Inflıatsııaǵa qarsy jumys tásilin qaıta qaraý kerek - depýtat
2022 jylǵy 26 qańtar 13:09

Inflıatsııaǵa qarsy jumys tásilin qaıta qaraý kerek - depýtat

NUR-SULTAN. QazAqparat – Jańa Úkimetti ınflıatsııaǵa qarsy jumys tásilin qaıta qaraýy kerek. Bul týraly Májilistiń jalpy otyrysynda depýtat Aıqyn Qońyrov málim etti, dep habarlaıdy QazAqparat tilshisi.

«2021 jyldyń qorytyndysyn jarııalaǵanda memlekettik organdar eldegi azyq-túlik ınflıatsııasynyń deńgeıi edáýir tómendetilgenin málimdedi. Belgili bir jetistik bar. Bul – áleýmettik mańyzy bar azyq-túlik taýary baǵasynyń nóldik ósimi, birqatarynyń baǵasynyń tómendeýi. Baǵa monıtorıngi apta saıyn júrgiziledi. Jaýapty memlekettik organ anyqtaldy. Sonda da azyq-túlik baǵasynyń jalpy deńgeıi kóterildi. 2021 jylǵy ósim 9,9 paıyzǵa jetti», - dedi A. Qońyrov Úkimet basshysy Álıhan Smaıylovtyń atyna joldaǵan saýalynda.

Onyń aıtýynsha, halyqtyń tabysynyń 56 paıyzdan astamy azyq-túlikke jumsaldy. Brqatar óńirlerde (Almaty, Atyraý, Batys Qazaqstan, Túrkistan, Jambyl oblystarynda) shyǵys kólemi 60%-dan astam boldy. Shyǵystar eki negizgi bólikke jumsaldy - ol nan men jarma jáne et pen et ónimderine.

2021 jylǵy qańtar-qarashada onyń aldyndaǵy jyldyń sáıkes kezeńimen salystyrǵanda nan-toqash ónimderi men jarma – 9,1% -ǵa, onyń ishinde jarma – 20,2%-ǵa, makaron ónimderi – 11,5%-ǵa qymbattady. Et baǵasy 8,7% - ǵa, onyń ishinde qoı eti – 15,1%-ǵa, jylqy eti 10%-ǵa ósti.

«Qarapaıym adamdar úshin mańyzdy azyq-túliktiń baǵasy 2 tańbaly sanmen esepteledi. Sondyqtan baǵanyń ósýin tejeýdi tek taktıkalyq turǵydaǵy jeńis dep sanaýǵa bolady. 2022 jyldyń basynda Qazaqstanda azyq-túlik baǵasy 0,2% -ǵa ósti. Ósimniń obektıvti sebepteri bar», - dedi depýtat.

Onyń sózine qaraǵanda, burynǵy Úkimet Prezıdenttiń Qazaqstan halqyna Joldaýynan keıin bir aptadan soń «2021-2024 jyldarǵa arnalǵan ınflıatsııaǵa qarsy den qoıý sharalarynyń keshenin» bekitti. Jedel qabyldanǵandyqtan, ǵylymı turǵydan talqylaý men sapaly saraptama júrgizýge múmkindik bermedi.

«Bizge tereń, ǵylymı negizdelgen, úılesimdi jáne saraptamalyq jumys qajet. Qazaqstanda qysqa merzimdi, orta merzimdi jáne uzaq merzimdi kezeńderge baǵdarlanǵan ınflıatsııaǵa qarsy ulttyq strategııa bolýy tıis. «Qazaqstan Halyq partııasy» fraktsııasy jańa Úkimetti ınflıatsııaǵa qarsy jumys tásilin qaıta qaraýǵa shaqyrady», - dedi Aıqyn Qońyrov.


Avtor:
Tilshi

Jańalyqtar

MURAǴAT