Fýtboldan Qazaqstan quramasy aqpan aıynda joldastyq kezdesý ótkizedi
2022 jylǵy 26 qańtar 00:01

Fýtboldan Qazaqstan quramasy aqpan aıynda joldastyq kezdesý ótkizedi

NUR-SULTAN. QazAqparat - Fýtboldan Qazaqstan quramasy aqpan aıynda joldastyq kezdesý ótkizedi, dep habarlaıdy QazAqparat tilshisi.

Ulttyq qurama aqpan aıynda Túrkııada oqý-jattyǵý jıynyn ótkizedi. Oqý-jattyǵý jıyny barysynda joldastyq kezdesý josparlanǵan.

Bas bapker Talǵat Baısýfınovtiń jetekshiligimen qurama 12 aqpan kúni Túrkııanyń Antalıa qalasynda jınalady. Al 13 aqpan kúni Qazaqstan klýbtarynyń legıonerlerimen sheberlik baıqasady.

«Legıonerler quramasyn Andreı Karpovıch pen Samat Smaqov jınaqtaıdy dep sheshildi. Bul merzimde FIFA-nyń resmı datasy joq. Sondyqtan, ulttyq quramany uzaq merzimge ustap otyrýǵa bolmaıdy. Qazaqstan quramasynyń jankúıerleri bul matchty tikeleı efırde kóre alady», - dep málim etti Qazaqstan fýtbol federatsııasynan.

Eske salsaq, ulttyq qurama naýryz aıynda Ulttar lıgasy jubanysh kezdesýinde Moldovamen oınaıdy. Eki kezdesý nátıjesi boıynsha jeńimpaz qurama aldaǵy ýaqytta atalǵan týrnırde qaı lıgada oınaıtyny anyqtalady.

Sondaı-aq, fýtboldan el quramasynyń 2022 jylǵy Ulttar lıgasyndaǵy qarsylastary anyqtaldy.


Jańalyqtar

MURAǴAT