+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Feık: Vaktsına alǵan ata-analardan gıbrıd balalar týady

2021 jylǵy 21 qazan 14:03
Bólisińiz:
Feık: Vaktsına alǵan ata-analardan gıbrıd balalar týady

NUR-SULTAN. QazAqparat - Qaznet qoldanýshylary KVI qarsy vaktsınalanǵan ata-analardan týylǵan gıbrıdter dep atalyp ketken sábılerdiń beınelerin taratýda, dep habarlaıdy stopfake.kz saıty.

Uqsas jańalyqtar
«Omıkron» shtamy: Qazaqstanǵa ushaqpen keletin jolaýshyny qabyldaý tártibi qatańdatyldy Almaty koronavırýstyń qaýipti «Omıkron» jańa shtamyna daıyn ba Ásel Qalyqova: Almatyda koronavırýsqa qarsy ujymdyq ımmýnıtet 56,5 paıyzǵa jetti

Balalardyń adamdardan ózgeshe bıologııalyq túr ókilderi ekendiginiń belgisi qara kózder bolyp tabylady. Bul teorııanyń nege durys emestigin túsindirip óteıik.

Jańa týǵan nárestelerdiń kóziniń túsi ártúrli bolýy múmkin, sondaı-aq qara kózder jıi kezdesedi. Evropeoıdtyq násildiń balalary kózi sur nemese kók tústi bolyp týady. Azııa jáne ekvatorlyq násilge jatatyn balalardyń kózderi týǵannan qara bolady. Ádette, balalardyń kóziniń túsi birinshi jyly ózgeredi, biraq keıde bul protsess uzaq ýaqytqa sozylýy múmkin.

Keıde jańa týǵan náresteniń kózderi tolyǵymen qara, aǵy joq sııaqty bolyp kórinedi. Bul keıbir nárestelerde týǵanda qabaǵy isip turatyndyqtan bolatyn ıllıýzııa. Kózdiń aǵy jabylyp, kózdiń qarasy ǵana kórinip turady.
Keıbir jaǵdaılarda náresteniń kózderi qabaqtyń týa bitken buldyrlyǵyna baılanysty tolyǵymen qara bolyp kórinýi múmkin. Jeliden osyndaı aýrýmen týǵan nárestelerdiń sýretterin kórýge bolady.

Qaznette taratylyp jatqan «gıbrıd» balalardyń sýretteriniń birinde keńsiregi kógergen jáne kóziniń aǵy qantalaǵan bala kórsetilgen. Bul rette vıdeodaǵy mátinde bosaný qıyn bolǵany jáne bala bosaný kanalynan ótkende qysylyp qalǵan, bul gematomalardyń paıda bolýyna ákeldi dep jazylǵan. Mundaı problema búkil álemde kezdesedi jáne medıtsınalyq ádebıetterde egjeı-tegjeıli sıpattalǵan.

Sondaı-aq, kózdiń aǵynyń qantalap ketýine sýbkonıýnktıvtik qan ketý sebep bolýy múmkin. Bul saý nárestelerde jıi kezdesetin jaǵdaı. Ol bosaný kezinde usaq tamyrlardyń jarylýynan oryn alady.
Demek, jańa týǵan nárestelerdiń kóziniń qara bolýy erekshe jaıt emes. Sondaı-aq, vıdeo redaktorlarda óńdelgen bolýy yqtımal. Tolyǵymen qara kózder – bul montajdyń nátıjesi.
Aıta keteıik, kórsetilgen nárestelerdiń týǵan kúnderi týraly málimetter joq. Olar pandemııa bastalǵanǵa deıin dúnıege kelýi múmkin. Sondaı-aq, vıdeodan osy sábılerdiń ata-analarynyń vaktsınatsııa mártebesin anyqtaý múmkin emes.
Jalpy, boıyn jyn nemese zulym rýh bılegen kózderi tolyǵymen qara balalar týraly ıdeıa – bul 90-shy jyldardyń ortasynda AQSh-ta taraǵan ańyz. Adamdar jolda nemese óz úıleriniń bosaǵasynan kózi qara balalar men jasóspirimderdi kórgenderin aıtqan. Balalar ózderin alyp ketýdi nemese dárethanaǵa jiberýin suraǵan.

Snopes basylymy 2013 jyly bul ańyzdy joqqa shyǵardy jáne osy taqyryptaǵy barlyq derekterdi zertteı otyryp, kózderi qara balalar týraly áńgimeler fantastıka bolyp tabylady degen qorytyndyǵa keldi.
KVI qarsy vaktsınalanǵan adamdardan erekshe nemese «gıbrıd» balalar týady degen teorııa durys emes. Buǵan deıin Qaznet qoldanýshylary vaktsınatsııalanǵan ata-analardan týǵan «transgendi» balalardyń bar ekenin dáleldeý úshin qara kózdi saý qyzdyń beınesin taratqan bolatyn.

Demek, vaktsınalanǵan adamdardyń belgili bir jańa bıologııalyq túr ókilderiniń ata-anasy bolatyndyǵyna eshqandaı dálel joq. Nárestelerdiń kóziniń qara bolýy – bul qalypty jaǵdaı, medıtsınalyq ádebıetterde buǵan dálelder kóp.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT