+7 (701) 759 90 19
USD 402.37 EUR 449.81
RUB 5.86 CNY 56.67
Jańalyqtar

Eýropada koronavırýsqa baılanysty jańa shekteýler engizip jatyr

2020 jylǵy 23 mamyr 11:13
Bólisińiz:
Eýropada koronavırýsqa baılanysty jańa shekteýler engizip jatyr

NUR-SULTAN. QazAqparat – Eýropada shekteýler jeńildetile bastaǵanymen, munda koronavırýstyń ekinshi tolqynynan zardap shekpeý úshin jańa sharalar qabyldanýda, dep habarlaıdy QazAqparat Euronews-ke silteme jasap.

8 maýsymnan bastap Ulybrıtanııaǵa shetelden kelgen barlyq adam eki aptaǵa sozylatyn karantınge oqshaýlanady. Eger kelýshi óz azamaty nemese sheteldik azamat bolsa da bılik organdaryna qaıda aıaldaıtynyn aıtýǵa mindetteledi. Jeke oqshaýlanýdan bas tartqan adamdar 1 000 eýrodan astam aıyppul tóleıdi.

Bul mindetten tek medıtsınalyq qyzmetkerler, taýar jetkizetin júk kólikteriniń júrgizýshileri, maýsymdyq jumysshylar men men issaparda júrgen sheneýnikter bosatylady.

Brıtandyq bılik bastapqyda karantınniń jańa rejımi Birikken Koroldikke Frantsııadan kelýshilerge taralmaıtynyn málimdegen edi. Biraq bul sheshimniń sebebi aıtylmady.

La-Mansh buǵazynyń qarsy jaǵalaýynda katolıkterdiń dinı merekesine oraılastyrylǵan uzaq demalys kúnderi ótip jatyr. Jaǵajaılarda baqylaý kúsheıtilgen. Frantsııanyń Dıýnkerk aımaǵynyń Bre-Dıýn kommýnasynda demalýshylar shekteýdi elemesten kúnge qyzdyrynyp jatyr.

Genýıa teńiziniń jaǵalaýynda da tek sýǵa shomylyp, sportpen aınalysýǵa ruqsat etilgen. Jergilikti turǵyndardyń qajetti áleýmettik qashyqtyqty saqtaýy úshin jaǵajaılar arqanmen bólingen. Ony buzǵandarǵa aıyppul salynady.

Portýgalııada Lıssabonnan 25 shaqyrym jerdegi Kapkaısh qalasy jazǵy maýsymǵa daıyndalýda. Jergilikti bılik barlyq turǵyndardy COVID-19 antıdenesiniń bar-joǵyn teksermek. Eki aılyq karantınnen keıin elde dámhana, meıramhana jáne kóptegen dúkender qaıta ashyldy.


Bizdiń kanalymyzǵa jazylyńyz:

Basty sózder: Eýropa, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT