+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Erlan Qarın: Prezıdent qol qoıǵan Jarlyqtyń mańyzy nede

2021 jylǵy 9 maýsym 23:04
Bólisińiz:
Erlan Qarın: Prezıdent qol qoıǵan Jarlyqtyń mańyzy nede

NUR-SULTAN. QazAqparat – QR Prezıdentiniń kómekshisi Erlan Qarın Memleket basshysy búgin qol qoıǵan QR adam quqyqtary salasyndaǵy odan ári sharalary týraly Jarlyqqa qatysty pikirimen bólisti dep habarlaıdy QazAqparat.

Uqsas jańalyqtar
Qalmuhanbet Qasymov Memlekettik kúzet qyzmetiniń bastyǵy qyzmetinen bosatyldy «Bárine qarsymyn» baǵany ákimder saılaýynda azamattardyń balama ustanymyn bildirýine jol ashty – Erlan Qarın Qasym-Jomart Toqaev Kókshetaý qalasyna jumys saparymen keldi

«Búgin Prezıdent óte mańyzdy qujat - «QR adam quqyqtary salasyndaǵy odan ári sharalary týraly» Jarlyqqa qol qoıdy. Jarlyqtyń baptaryn júzege asyrý úshin Úkimetke birinshi kezekte qolǵa alynýy tıis sharalardyń josparyn bekitý tapsyryldy. Atalmysh qujattyń mańyzy nede?», - dep jazdy Qarın Facebook-tegin paraqshasynda.

Onyń pikirinshe, búgingi Jarlyq Prezıdenttiń saıası jańǵyrý men lıberalızatsııalaý boıynsha ustanǵan baǵytynyń jalǵasy. Ol endi memlekettiń kúshin quqyq qorǵaý máselelerine burady. Osyǵan deıin Prezıdent quqyq qorǵaýǵa qatysty máseleni Ulttyq qoǵamdyq senim keńesiniń ekinshi májilisinde (2019 jyl 20 jeltoqsan) kótergen bolatyn. Sonyń nátıjesinde Qazaqstanda ólim jazasyna tyıym salyndy. Quqyq qorǵaý taqyryby Memleket basshysynyń ótken jylǵy Joldaýynda da (2020 jyl 1 qyrkúıek) erekshe oryn alǵan edi. Naqtyraq aıtqanda, Memleket basshysy Joldaýynda azamattardy, ásirese balalardy kıberbýllıng, adam saýdasy men zorlyq-zombylyq sııaqty áreketterden qorǵaý baǵytynda keshendi sharalar qabyldaýdy tapsyrdy. UQSK 5-shi májilisinde (2021 jyldyń 25 aqpany) penıtentsıarlyq mekemelerdegi adamdar men áıelderdiń quqyqtaryn qorǵaýǵa baǵyttalǵan sharalar legin usyndy.

Osy rette búgin qabyldanǵan qujattyń mańyzy - quqyq qorǵaý taqyrybynyń birjolata memlekettik saıasattyń basty basymdyǵy retinde bekitilip otyrǵandyǵynda.

«Maýsym Jarlyǵynda bekitilgen baptardyń barlyǵyn júzege asyrý - quqyq qorǵaý salasynyń keshendi jańǵyrtylýyn qamtamasyz etedi jáne ol ádil ári progressıvti memleket qurýǵa degen talpynystyń kezekti qadamy bolmaq»,-dep qorytady Prezıdent keńesshisi.

Aıta keteıik, búgin Qazaqstan Prezıdenti Qasym-Jomart Toqaev QR adam quqyqtary salasyndaǵy odan ári sharalary týraly Jarlyqqa qol qoıdy.


Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Janıbek Amangeldı
Janıbek Amangeldı
954-059

MURAǴAT