+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Elordada vaktsına alǵandar arasynda oınatylatyn júldeler sany artty

2021 jylǵy 28 shilde 20:51
Bólisińiz:
Elordada vaktsına alǵandar arasynda oınatylatyn júldeler sany artty

NUR-SULTAN. QazAqparat - Elordada vaktsınatsııa alǵandar arasynda apta saıyn baǵaly syılyqtar oınatylady. Taǵy eki iPhone12 jáne basqa da baǵaly syılyqtardyń tórtinshi utys oıyny 31 shilde (senbi) kúni ákimdiktiń áleýmettik jelidegi (Facebook, YouTube) paraqshalarynda tikeleı efırde ótedi, dep habarlaıdy QazAqparat qala ákimdigine silteme jasap.

Uqsas jańalyqtar
Elordada jyl sońyna deıin úsh jastarǵa qyzmet kórsetý ortalyǵy ashylady Alıment tólemeı júrgen astanalyq 1 jylǵa sottaldy Elordada gúl satýshy bolý úshin ýaqytsha synaq merziminde júrgen boıjetken kassadan aqsha urlady

Tórtinshi utys oıynyna 24 shilde men 30 shilde aralyǵynda vaktsınatsııalanǵandar qatysady. Bul utys oıynyna vaktsınatsııanyń barlyq pýnktteri qatysady: medıtsınalyq mekemelerdegi, SOO/SÚ-degi. Utys oıynyna qatysý avtomatty túrde ótedi, qujat toltyryp, tirkelýdiń qajeti joq.

Endi 28 shildeden 6 tamyzǵa deıin (qosa alǵanda) vaktsınatsııalanǵandardyń arasynda taǵy úsh iPhone12 oınatylady. Atalǵan utys oıynyna «Ábý Dabı Plaza», «Kerýen», «Saryarqa» saýda oıyn-saýyq ortalyqtarynda jáne olarǵa bekitilgen BMSK uıymdarynda – №2, 9 jáne 14 qalalyq emhanalarda vaktsınatsııalanǵan adamdar qatysady. Bul utys oıynynyń tikeleı efıri 7 tamyzda ótedi.

IPhone12 jáne basqa da qundy syılyqtardyń utys oıynyn ákimdik apta saıyn — jazdyń sońyna deıin ótkizedi.

Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol júlde ıelerin vaktsınatsııalanǵandardyń ID nómiri arqyly tańdaıdy. Ony ázirleýge IT-qaýymdastyq ta qatysty. Vaktsınalanǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.

Aıta keteıik, elordada azamattardy vaktsınatsııalaýǵa yntalandyrý úshin baǵaly syılyqtar oınatylady. Vaktsınatsııalanǵandar arasynda eki bólmeli páter de oınatylady. 25 maýsymy men 31 tamyzy aralyǵynda vaktsınanyń birinshi komponentin alǵan 18 jastan asqan qala turǵyndarynyń elordada jyljymaıtyn múlikti utyp alý múmkindigi bar. Bul utys oıynyna vaktsınatsııanyń barlyq pýnkti qatysady: medıtsınalyq mekemeler, SOO-lar jáne saýda úıleri.

Aıta ketý kerek, utys oıyndary demeýshilerdiń kómegimen ótkiziledi.

Sondaı-aq «MEGA Silk Way» SOO vaktsınatsııa pýnktinde birinshi komponentpen vaktsınalanǵandar arasynda kóliktiń utys oıyny ótetin habarlady.

Elordada ótkiziletin utys oıyndary azamattardy ekpe alýǵa yntalandyrý, osylaısha óz densaýlyǵyn da, jaqyn jáne aınalasyndaǵy adamdardyń densaýlyǵyn saqtaý úshin uıymdastyrylady. Sebebi, basty maqsat — ujymdyq ımmýnıtetti damytý jáne karantınge deıingi rejımge oralý. Ujymdyq ımmýnıtettiń úlesi 60%-dan asýy kerek.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janıbek Amangeldı
Janıbek Amangeldı
954-059

MURAǴAT