USD 434.84 EUR 498.2
RUB 5.72 CNY 68.47
Jańalyqtar

Elorda ákimi Máńgilik el dańǵylyndaǵy kólik júktemesin azaıtý joldaryn atady

2021 jylǵy 3 jeltoqsan 15:05
Bólisińiz:
Elorda ákimi Máńgilik el dańǵylyndaǵy kólik júktemesin azaıtý joldaryn atady

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide Nur-Sultan qalasynyń ákimi Altaı Kólginov Esil boıynda salynyp jatqan kópirdiń jaǵdaıy týraly aıtty, QazAqparat tilshisi.

Uqsas jańalyqtar
Batys Qazaqstanda respýblıkalyq jolda qozǵalysqa shekteý qoıyldy Óskemende qysta jol tazartatyn jańa tehnıkalar satyp alynýda Aqmola oblysyndaǵy avtomobıl joldarynyń sapasy qalaı tekserilýde

«Memleket basshysy elordada kópirler men kólik jolaıryqtaryn salýdyń mańyzyn atap ótti. Qarasha aıynda Esil ózeni arqyly Táýelsizdik dańǵylyndaǵy kópirdiń qurylysy bastaldy. Buryn qurylys merzimin keshiktirgen sot protsesteri bolǵan. Qazirgi ýaqytta barlyq protsedýralyq sátter sheshilip, kópir qurylysy bastaldy. Bul kópir Táýelsizdik dańǵyly, jańa temirjol vokzaly aýdany, Haziret Sultan meshitiniń aýdany, Qoshqarbaev dańǵyly, Nájimedenov kóshesi, Baıtursynov kóshesi, Qordaı kóshesi, Aınakól kóshesi, Momyshuly dańǵylynyń sol jaǵalaýymen qosymsha baılanysty qamtamasyz etýge múmkindik beredi», - dedi ákim.

Onyń aıtýyna qaraǵanda, Táýelsizdik dańǵylyndaǵy kópir paıdalanýǵa berilgennen keıin Máńgilik el dańǵylyndaǵy júkteme 20%-ǵa deıin tómendeıdi.

«Bul kópirdiń qurylysyn 2023 jyly aıaqtaýdy josparlap otyrmyz», - dedi Nur-Sultan qalasynyń ákimi Altaı Kólginov.

Sonymen qatar, qala basshysy Uly dala dańǵylynda kópir salynyp jatqanyn atap ótti.

Onyń paıymynsha, Esildiń oń jáne sol jaǵalaýyn jalǵaıtyn kópir Máńgilik el dańǵylynyń, J.Nájimedenov, A. Baıtursynov, R. Qoshqarbaev kósheleriniń, Nova city aýdanynyń, «Myńjyldyq» alleıasynyń júktemesin azaıtady.

Jańa «Nurly jol» vokzalynyń, Telman turǵyn alabynyń, Metro gıpermarketi aýdanynyń, Promyshlennyı turǵyn alabynyń, Jumabaev dańǵylynyń, Júrgenov kóshesiniń jáne t. b. qoljetimdiligin arttyrady.

«Sonymen qatar, keıingi eki jylda elordada 300 kóshe salynyp, jóndeldi. Olardyń jartysynan kóbi turǵyn úı alaptarynda ornalasqan. Sondaı-aq, jańa baǵyttar, avtobýs jolaqtary iske qosyldy, avtobýs parki jańartylýda. Munyń bári qala turǵyndaryna qala ishinde yńǵaıly júrýge, jol ýaqytyn qysqartýǵa jáne qalany mobıldi etýge múmkindik beredi», - dedi Altaı Kólginov.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT