+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Elbasy Nursultan Nazarbaev Boao azııalyq forýmyna qatysýshylarǵa beıneúndeý jasady

2021 jylǵy 20 sáýir 23:12
Bólisińiz:
Elbasy Nursultan Nazarbaev Boao azııalyq forýmyna qatysýshylarǵa beıneúndeý jasady

NUR-SULTAN. QazAqparat – Boao azııalyq forýmynyń plenarlyq sessııasynda Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń beıneúndeýi kórsetildi, dep habarlaıdy QazAqparat QR SІM baspasóz qyzmetine silteme jasap.

Uqsas jańalyqtar
Almatyda Elbasy beınelengen mýral paıda boldy Elbasy Eskendir Hasanǵalıevtiń týǵan-týystaryna kóńil aıtý jedelhatyn joldady

Bıylǵy konferentsııanyń negizgi taqyryby – «Ózgerip jatqan álem: «Bir beldeý, bir jol» bastamasy sheńberinde birlesken kúsh-jigermen jahandyq basqarý men yntymaqtastyqty damytý».

Forým Qytaı Halyq Respýblıkasynyń Tóraǵasy Sı Tszınpınniń arnaıy beıneúndeýi ashty. Ol óz eliniń syrtqy álemge ashyqtyq saıasatyn jalǵastyratynyn málimdedi jáne seriktesterdi joǵaryda atalǵan Beıjiń bastamasynyń barlyq múmkindikterin birlese tıimdi paıdalanýǵa shaqyrdy.

N. Nazarbaev óz sózinde sońǵy jıyrma jyl ishinde tek Azııanyń ǵana emes, búkil álem damýynyń ózekti máselelerin talqylaý úshin mańyzdy halyqaralyq alań retinde qalyptasqan Boao forýmy jumysynyń mańyzdylyǵyn atap ótti.

Elbasynyń aıtýynsha, COVID-19 pandemııasy búkil álemdegi kúndelikti shyndyqqa tereń ózgerister engizip, halyqaralyq qoǵamdastyq úshin birqatar eleýli saıası, áleýmettik-ekonomıkalyq jáne gýmanıtarlyq syn-qaterlerdi áshkereledi. Sonymen birge daǵdarys adamzatqa qorshaǵan shyndyqqa jańa kózqaraspen qaraýǵa jáne búgingi kúni ózi úshin birneshe mańyzdy qorytyndy jasaýǵa múmkindik beredi.

N. Nazarbaev atap ótkendeı, «pandemııa qıyn kezeńderde memlekettiń mańyzdy rólin kórsetti – bıliktiń tıimdi sharalarynyń arqasynda kóptegen elder jaǵdaı damýynyń jaǵymsyz stsenarııleriniń aldyn aldy».

Bul rette barshanyń planetamyzdyń «baǵalanýy jáne qorǵalýy kerek» óte názik organızm ekendigine kózderi jetti.

Pandemııa jaǵdaıynda jahandaný jáne elder men halyqtardyń ózara árekettesýiniń basqa protsesteri baıaýlady, adamdar arasyndaǵy senimsizdik ósip, bul jahandyq ekonomıka men saıasatqa teris áser etedi.

«Biz búkil álemde protektsıonıstik kóńil-kúıdiń ósýin kórip otyrmyz. Halyqaralyq ekonomıkalyq qatynastarǵa synı áser etetin saıası negizdelgen sheshimder engizilýde. Biz álemdi ózimshil birjaqty sheshimderdiń buralymyna batyrýǵa jol bermeýimiz kerek», - dedi Elbasy.

Onyń aıtýynsha, «halyqaralyq kelisimderdiń jańa qaǵıdattary teń jáne jaýapty seriktesterdiń ózara is-qımyl rýhynda bolýy tıis». Árbir eldiń mádenı, áleýmettik jáne saıası dástúrlerin, ekonomıkalyq erekshelikteri men qundylyqtaryn ózara qurmetteý olardyń negizi bolýǵa tıis. Pandemııa «básekelestik álemi men yntymaqtastyq álemi arasyndaǵy tańdaýdyń qajettiligin» aıqyn kórsetti.

Elbasy atap ótkendeı, «indetti jahandyq baqylaýsyz qaldyrý jekelegen elderdiń tabysy bolashaqta qajetti nátıje bermeıdi».

«Adamzat úshin jahandaǵy jappaı vaktsınatsııa máselesin sheshýdegi vaktsınalardy óndirýshiler men úkimetterdiń yntymaqtastyǵy mańyzdy. Bul máselede básekelestik pen saıasılandyrý keri áser etedi», – dep atap ótti ol.

«Bir beldeý, bir jol» bastamasyna qatysty N. Nazarbaev ony QHR Tóraǵasy Sı Tszınpın 2013 jyly elimizdiń astanasynda usynǵanyn eske saldy.

«Qazaqstan úshin bul bastama jańa múmkindikter terezesine aınaldy. Búginde memleketimiz arqyly Azııa men Eýropany, Soltústik pen Ońtústikti, Tynyq muhıtyn Atlant jáne Úndi muhıttarymen baılanystyratyn qysqa joldar ótedi», – dep atap ótti Elbasy.

Búgingi kúni Qazaqstan arqyly 11 transulttyq marshrýt salyndy, onyń ishinde uzyndyǵy 2700 km «Batys Eýropa – Batys Qytaı» avtobanyn qosa alǵanda, 5 temirjol jáne 6 avtomobıl joly, Qazaqstannan Parsy shyǵanaǵyna jáne Ońtústik Azııaǵa baratyn temir joldar.

«Osynyń barlyǵy elimizde básekege qabiletti tranzıttik hab qurýǵa múmkindik berdi. Endi elimiz arqyly Azııanyń kez-kelgen núktesindegi taýarlar Soltústik Eýropa qalalaryna eki aptanyń ishinde jete alady. Osynyń arqasynda 2020 jylǵy daǵdarysta da Qazaqstan arqyly «Qytaı – Eýropa – Qytaı» baǵyty boıynsha konteınerlik tasymaldardyń ósýi 60% -dan astamdy qurady«, – dep atap ótti N. Nazarbaev.

Sońynda Elbasy «ótken jyldar ishinde «Bir beldeý, bir jol» bastamasy yntymaqtastyq pen jahandanýdyń aldyńǵy qatarly ıdeıalaryn ilgeriletý úshin óziniń ómirsheńdigi men mańyzdylyǵyn dáleldegenin» atap ótti.

Forýmda Brýneı, Vetnam, Indonezııa, Koreıa Respýblıkasy, Laos, Sıngapýr, Chılı jáne Shrı-Lanka elderiniń basshylary da sóz sóılegenin atap ótken jón.

Boao azııalyq forýmy (BAF) – óńirlik ekonomıkalyq ıntegratsııany jáne Azııa memleketteriniń birlesken damýyn, onyń ishinde osy maqsatta kórnekti saıasatkerlerdiń, bıznesmenderdiń, ǵalymdardyń, sarapshylar men BAQ-tyń qatysýymen jyl saıynǵy halyqaralyq konferentsııany uıymdastyrý arqyly ilgeriletýge járdemdesýge arnalǵan úkimettik emes jáne kommertsııalyq emes halyqaralyq uıym. Bıyl BAF óziniń 20 jyldyǵyn atap ótedi. Forýmnyń quryltaı sessııasy 2001 jylǵy 26 aqpanda Boao qalasynda (Haınan provıntsııasy, QHR) ótti.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT