EQYU bıýrosynyń mıssııasymen referendýmǵa daıyndyq barysy talqylandy
2022 jylǵy 11 mamyr 21:06

EQYU bıýrosynyń mıssııasymen referendýmǵa daıyndyq barysy talqylandy

NUR-SULTAN. QazAqparat - Qazaqstan Syrtqy ister mınıstriniń orynbasary Roman Vasılenko Saılaý jónindegi aǵa keńesshi Alekseı Gromov bastaǵan EQYU-nyń Demokratııalyq ınstıtýttar jáne adam quqyqtary jónindegi bıýrosynyń qajettilikterdi baǵalaý jónindegi mıssııasyn qabyldady, dep habarlaıdy QazAqparat vedomstvoǵa silteme jasap.

Bıýro ókilderi elimizge 5 maýsymda ótetin QR Konstıtýtsııasyna ózgerister men tolyqtyrýlar engizý týraly jalpyulttyq referendýmǵa baılanysty keldi.

Olardyń mindetteriniń biri - barynsha qolaıly baıqaý formaty boıynsha usynymdar ázirleý. Kezdesý barysynda taraptar halyqaralyq baıqaýshylardy akkredıtteý rásimin jáne referendýmǵa daıyndyqtyń basqa da máselelerin egjeı-tegjeıli talqylady.

Taraptar EQYU DIAQB men Qazaqstan Respýblıkasy arasyndaǵy, onyń ishinde saılaý naýqandaryna qatysty dıalogtyń jandanýy men syndarly sıpatyn quptady.

Eske salsaq, Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHІ sessııasynda Memleket basshysy Qasym-Jomart Toqaev Ata zańǵa ózgerister men tolyqtyrýlar engizý jóninde respýblıkalyq referendým ótkizýdi usyndy.

QR Prezıdenti Qasym-Jomart Toqaev 5 maýsymda respýblıkalyq referendým ótkizý týraly Jarlyqqa qol qoıdy .


Uqsas jańalyqtar

Jańalyqtar

MURAǴAT