USD 434.34 EUR 491.93
RUB 5.56 CNY 68.67
Jańalyqtar

«Egemen Qazaqstan» men «Rossııskaıa gazeta» seriktestik týraly kelisim jasasty

2021 jylǵy 6 jeltoqsan 12:14
Bólisińiz:
«Egemen Qazaqstan» men «Rossııskaıa gazeta» seriktestik týraly kelisim jasasty

NUR-SULTAN. QazAqparat – «Egemen Qazaqstan» AQ men «Rossııskaıa gazeta» baspasy ózara is-qımyl týraly áriptestik kelisimge qol qoıdy, dep habarlaıdy QazAqparat tilshisi.

Uqsas jańalyqtar
Altaıda qazaq halqynyń baıyrǵy dástúrli teri shańǵy mádenıeti ulyqtaldy - Sheteldegi qazaq baspasózi

«Búgin «Rossııskaıa gazeta» basylymymen kelisimge qol qoıdyq. Ol qujat ekijaqty aqparat jáne tájirıbe almasýǵa múmkindik beredi. Atalǵan basylym - Reseıdiń bas gazeti jáne onyń quramynda birneshe basylym bar. ıAǵnı mıllıondaǵan tırajy medıaholdıng. Sondyqtan bul kelisim ýaqyt óte kele óz tıimdiligin kórsetedi dep oılaımyn. Elordaǵa arnaıy basylymnyń birinshi basshysy kelip otyr. Bul bizdiń elimizge qyzyǵýshylyq tanytyp otyr degen sóz. Ekijaqty kelisimge kelmes buryn, másele aldyn ala talqylandy. Endigi ýaqytta atalǵan reseılik basylym Qazaqstanda bolyp jatqan jańalyqtardy biz arqyly tikeleı ala alady. Tıisinshe kórshi Reseıde bolyp jatqan jaıttarǵa biz «Rossııskaıa gazeta» basylymy arqyly jedel qol jetkize alamyz», - dedi «Egemen Qazaqstan» AQ basqarma tóraǵasy Darhan Qydyráli.

Onyń aıtýynsha, kelisimge kelýdegi basty maqsat – ózara aqparat almasý.

«Bizdiń gazet - memlekettik basylym. ıAǵnı, bıýdjet tolyqtaı memlekettik. Árıne memlekettik bıýdjetten bólek, BAQ retinde qosymsha tabys tabýǵa quqyǵymyz bar. Bizdiń gazettiń baǵyty saıası-qoǵamdyq jáne quramymyzda birneshe basylym bar. Onyń ishinde kúndelikti jáne aptalyq gazet te bar. Sondaı-aq, bizdiń basylymnyń betine memlekettik zańdar, Prezıdent qaýlysy jáne taǵy mańyzdy memlekettik normatıvtik qujattar jarııalanady. Biz gazetti oqyrmandarǵa tegin taratamyz. Gazetten bólek, bizdiń medıholdıng quramynda «Rodına» jýrnaly bar. Búgingi «Egemen Qazaqstan» gazetimen jasalyp jatqan kelisimge kelsek. Bul seriktestik kelisimi. ıAǵnı ózara aqparat almasý jáne bir-birimizden úırený», - dedi «Rossııskaıa gazeta» basylymynyń bas dırektory Pavel Negoıtsa.

Shara sońynda «Egemen Qazaqstan» AQ basqarma tóraǵasy Darhan Qydyráli jáne «Rossııskaıa gazeta» basylymynyń bas dırektory Pavel Negoıtsa ekijaqty seriktestik týraly kelisimge qol qoıdy.

Aıta keteıik, «Egemen Qazaqstan» aqtsıonerlik qoǵamynyń quramyna eki respýblıkalyq gazet (Egemen Qazaqstan jáne Kazahstanskaıa pravda gazeti) kiredi.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT