+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Densaýlyq saqtaý mınıstrligi vaktsınalardyń saqtalýyna baqylaýdy kúsheıtti

2021 jylǵy 31 shilde 10:15
Bólisińiz:
Densaýlyq saqtaý mınıstrligi vaktsınalardyń saqtalýyna baqylaýdy kúsheıtti

NUR-SULTAN. QazAqparat – Densaýlyq saqtaý mınıstrligi vaktsınalardyń saqtalýyna baqylaýdy kúsheıtti, dep habarlaıdy QazAqparat mınıstrliktiń baspasóz qyzmetine silteme jasap.

Elimizdiń Prezıdenti Qasym-Jomart Toqaev 2021 jylǵy 19 shildedegi eldegi epıdemıologııalyq jaǵdaı jónindegi keńeste Qazaqstannyń keıbir óńirlerinde koronavırýsqa qarsy vaktsına durys saqtalmaǵan dep atap aıtty.

«Óńirlerdiń bári birdeı bul jumysty tıisti deńgeıde uıymdastyrmaıdy. Vaktsınalardy saqtaýdyń temperatýralyq rejımin buzýdyń kóptegen faktileri egý pýnktteriniń shamamen 30%-nda anyqtaldy» – dedi Memleket basshysy.

Bul aqparatty 2021 jylǵy 23 shildedegi brıfıngte Qazaqstan Respýblıkasy Densaýlyq saqtaý mınıstrliginiń ókilderi rastady.

Esterińizge sala keteıik, aǵymdaǵy jylǵy aqpanda COVID-19 koronavırýs ınfektsııasyna qarsy vaktsınalaý bastalǵan kezde elimizde 200-den astam egý pýnkti jumys istedi, aǵymdaǵy jylǵy 23 shildedegi jaǵdaı boıynsha 2300-den astam pýnkt jumyldyryldy.

Bastapqyda sanıtarııalyq-epıdemıologııalyq qyzmet vaktsınatsııa protsesi bastalǵanǵa deıin egý pýnktteriniń ashylýyna baılanysty tekserýler júrgizdi. Sondaı-aq, vaktsınalaý kezinde sanıtarııalyq qaǵıdalar talaptarynyń saqtalýyna, onyń ishinde salqyn tizbektiń saqtalýyna monıtorıng jasaý úshin jaǵdaıdy baryp baqylaý júrgiziledi. Negizinen, árbir úshinshi egý pýnktinde (shamamen 30%) jumysqa ruqsat alǵanǵa deıin sanıtarııalyq qaǵıdalar talaptarynyń buzylatyny anyqtaldy. Buzýshylyqtar joıylǵanǵa deıin osy egý pýnktterin paıdalanýǵa ruqsat etilgen joq.

Vaktsınalardy saqtaý jáne tasymaldaý kezinde «salqyn tizbek» talaptaryn saqtaý halyqqa profılaktıkalyq egýdi júrgizý kezinde mańyzdy shart bolyp tabylady. Barlyq uıymdastyrýshylyq jáne praktıkalyq is-sharalar vaktsınalardy saqtaýdyń ońtaıly temperatýralyq jaǵdaılaryn saqtaýǵa baǵyttalýy tıis. Sanıtarııalyq-epıdemıologııalyq qyzmet qoldanystaǵy egý pýnktterinde salqyn tizbektiń, vaktsınatsııany uıymdastyrý jáne júrgizý qaǵıdalarynyń, onyń ishinde temperatýralyq rejımniń saqtalýyna turaqty negizde monıtorıngti júzege asyrady.

«Vaktsınany saqtaýdyń temperatýralyq rejımin saqtaý – vaktsınalaý tıimdiliginiń kepili. Densaýlyq saqtaý mınıstrligi Memleket basshysynyń tapsyrmasyn erekshe baqylaýǵa alyp otyr»,-delingen habarlamada.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT