+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Dáýren Abaev: Aýǵanstanda tálipterden radıkaldy saıası kúshter bar

2021 jylǵy 21 qazan 21:26
Bólisińiz:
Dáýren Abaev: Aýǵanstanda tálipterden radıkaldy saıası kúshter bar

NUR-SULTAN. QazAqparat – QR Prezıdenti Ákimshiligi basshysynyń birinshi orynbasary Dáýren Abaev «Ashyq dıalog-2» suhbatynda Qazaqstan dıplomattarynyń Talıban (Qazaqstanda jáne basqa da kóptegen elderde tyıym salynǵan) Úkimetimen baılanysqa shyǵýyna qatysty pikir bildirdi, dep habarlaıdy QazAqparat tilshisi.

«Memlekettik apparatymyz bir jaǵynan el aýmaǵynda tálipterdiń uıymyna tyıym salady, ekinshi jaǵynan onymen baılanys ornatady. Qısyn qaıda?» dep surady suhbat tizginshisi.

Dáýren Abaev bul suraqtyń jaýap bere otyryp, Aýǵanstannyń Ortalyq Azııadaǵy róline toqtaldy.

«Birinshiden, Aýǵanstan - Ortalyq Azııa aımaǵyndaǵy iri memleketterdiń biri. Ol jaqta bolyp jatqan oqıǵalarǵa kóz jumyp otyra almaımyz. Ózińiz tarazylap kórińizshi 39 mln turǵyny bar. Bul Qazaqstan halqynan eki ese kóp degen sóz. Ol jaqtan bosqyndar aǵylǵanyn elestetip kórińiz. Árıne, kez kelgen memleket úshin, jalpy álem qaýymdastyǵy úshin Talıban (Qazaqstanda jáne basqa da kóptegen elderde tyıym salynǵan) sııaqty qozǵalystyń bılikke kelýi asa bir jaǵymdy stsenarıı dep aıtýǵa kelmeıdi. Biraq keıbir toptarmen salystyrǵanda bul jol eń nashar emes ekeni kórinip qaldy. Eń bolmaǵanda tálipter kórshi memleketterdi basyp alýdy kózdep otyrǵan joq. Islam memleketteriniń birneshe formasy bar. Talıban ózderin birden «ámirlik» dep jarııalady. Al kóbi halıfat qurylady dep kútken bolatyn. Eger sál sheginis jasasaq, halıfat degen búkil ıslam álemine yqpal etýdi kózdeıtin júıe. Sondyqtan onyń tabıǵatynda syrtqa basqynshylyqpen qaraý burynnan bar. Al ámirlik óz bıligin tek óz aýmaǵynda ǵana júrgizýge beıildi. Bizde tyıym salynǵan Talıban qazirdiń ózinde qurylymyn «ámirlik» dep jarııalady», - degen Prezıdent ákimshiligi basshysynyń birinshi orynbasary tálipter ketse, ornyna odan da qaýipti rejımder ornaýy múmkin ekenin eske saldy.

«Mysaly, ekonomıkalyq qıyndyqtardyń saldarynan tálipterdiń rejımi qulaǵan jaǵdaıda ornyn sol baıaǵy «IGIL» baspaıtynyn kepildik joq. Jýyqta ǵana Aýǵanstan meshitterinde kóp adamnyń ómirin qıǵan jarylystar onda tálipterden de radıkaldy saıası kúshterdiń ambıtsııasy bar ekenin kórsetip otyr», - dedi Dáýren Abaev.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT