Búgin hokkeıden álem chempıonatynda Qazaqstan Italııamen oınaıdy

NUR-SULTAN. QazAqparat - Shaıbaly hokkeıden álem chempıonatynda top-dıvızıonda Qazaqstan quramasy búgin, 23 mamyrda kezekti oıynyn Italııaǵa qarsy ótkizedi, dep habarlaıdy QazAqparat tilshisi.

Kezdesý elorda ýaqytymen 19:20-de bastalyp, «Qazsport» teleranasy arqyly tikeleı efırde kórsetiledi.

Eske salsaq, budan buryn qazaqstandyq hokkeıshiler Danııa, Frantsııa, Shveıtsarııa, Kanada, Slovakııa jáne Germanııa quramalarynan jeńildi. https://lenta.inform.kz/qz/shaybaly-hokkeyden-alem-chempionatynda-kazakstan-germaniyadan-zhenildi_a3935778

Ázirge Qazaqstannyń qorjynynda upaı joq. Týrnır kestesinde kósh sońynda tur.

Nebári 1 upaı enshilegen Italııa týrnır kestesinde jetinshi orynda keledi.

Eki qurama buǵan deıin 8 márte kezdesti. Onyń 5-ýi Qazaqstannyń jeńisimen aıaqtalsa, qalǵanynda ıtalııalyq qurama basym tústi.

Byltyr álem chempıonatynda qazaqstandyq hokkeıshiler atalǵan qarsylasyn 11:3 esebimen tize búktirgen edi.