Brıtandyq zańgerler Qazaqstandaǵy konstıtýtsııalyq reformalarǵa oń baǵa berdi
2022 jylǵy 14 mamyr 20:01

Brıtandyq zańgerler Qazaqstandaǵy konstıtýtsııalyq reformalarǵa oń baǵa berdi

NUR-SULTAN. QazAqparat – Qazaqstannyń Londondaǵy Elshiliginde Ulybrıtanııa advokattar qaýymdastyǵynyń ókilderi QR Konstıtýtsııasyna ózgerister men tolyqtyrýlar engizý máselesi boıynsha ótetin aldaǵy referendýmdy talqylady, dep habarlaıdy QazAqparat QR SІM baspasóz qyzmetine silteme jasap.

«Biz Qazaqstandaǵy reformalardy jáne aldaǵy referendýmdi qoldaımyz. Referendým nátıjeleri týraly jaqynda bilýge qýanyshtymyz», – dep atap ótti koroldik advokat jáne Advokattar qaýymdastyǵynyń tóraıymy Felısıtı Kallen.

Brıtandyq zańgerlerge Prezıdent Qasym-Jomart Toqaevtyń Qazaqstan halqyna Joldaýynda aıtylǵan saıası reformalar týraly aqparat usynyldy.

Brıtandyq sarapshy-quqyqtanýshylar Jańa Qazaqstandy qurýǵa baǵyttalǵan reformalardy oń baǵalap, olardyń tabysty iske asyrylýy respýblıkany jańǵyrýdyń jańa deńgeıine jetkizetinin atap ótti.

Sarapshylar alqabıler soty týraly máselege toqtalyp, mundaı tájirıbe kóptegen ǵasyrlar boıy aǵylshyn jalpy quqyq júıesinde bolǵanyn málimdedi.

«Bizdiń oıymyzsha, alqabıler neǵurlym kóp isti qarastyrsa, soǵurlym jaqsy bolady. Bul novella Qazaqstanda engizilgenine qýanyshtymyz jáne jańa júıedegi progressti qadaǵalaıtyn bolamyz», - dedi sarapshy.

Ol sondaı-aq, sot protsesterin onlaın-translıatsııalaý ashyqtyqqa jáne azamattardyń sot júıesine degen senimine ákeletinin atap ótti.


Buǵan deıin EQYU bıýrosynyń mıssııasymen referendýmǵa daıyndyq barysy talqylanǵan bolatyn.


Uqsas jańalyqtar

Jańalyqtar

MURAǴAT