+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Bıyl qutqarýshylar Alakól kólinde 8 adamdy aman alyp qaldy

2021 jylǵy 26 shilde 10:38
Bólisińiz:
Bıyl qutqarýshylar Alakól kólinde 8 adamdy aman alyp qaldy

NUR-SULTAN. QazAqparat – Bıyl qutqarýshylar jyl basynan beri 8 adamdy, onyń ishinde 4 balany aman alyp qaldy, dep habarlaıdy QazAqparat Shyǵys Qazaqstan oblystyq Tótenshe jaǵdaılar departamentiniń baspasóz qyzmetine silteme jasap.

Alakól kólinde sýǵa shomylý maýsymynda órt sóndirýshiler men qutqarýshylar beketi jumys isteıdi. Ár 2 apta saıyn munda demalýshylardyń qaýipsizdigin qamtamasyz etý maqsatynda qyzmet atqaratyn 6 súńgýir men 4 órt sóndirýshi kezekshilik atqarady. Basty mindet-kól jaǵalaýynda ornalasqan obektilerde sýdaǵy qaıǵyly oqıǵalar men órtterdiń aldyn alý.

Jyl saıyn jaz mezglinde ShQO TJD qutqarýshylary kúsheıtilgen qyzmetke kóshedi. Qutqarýshylar patrýldeýdi qaıyqpen, al órt sóndirýshiler demalýshylar men obekti ıeleriniń órt qaýipsizdigi qaǵıdalaryn saqtaýyn monıtorıngileý jolymen júrgizedi. Sondaı-aq azamattarǵa nusqaý berý jáne olarǵa jadynamalar berý arqyly oqytý júrgiziledi. Qutqarýshylar beketi jumys júrgizý úshin qajetti qutqarý jabdyqtarymen, onyń ishinde arnaıy súńgýir kostıýmderimen, júzý jáne basqa da quraldarmen jabdyqtalǵan.

Alakól kólindegi qutqarýshylar 2021 jyly 8 adamdy, onyń ishinde 4 balaǵa der kezinde kómek kórsetti. Sonymen qatar órt ınspektorlary jeke demalys aımaqtarynyń ıelerine jáne jeke demalys aımaqtarynyń senip tapsyrylǵan aýmaqtarynda azamattardyń órt qaýipsizdigin qamtamasyz etý boıynsha tıisti sharalar qabyldaý týraly usynymdar beredi.

Demalýshylardyń nazaryn sýdaǵy qaýipsizdik máselelerine aýdarý úshin Shyǵys Qazaqstan oblysy Tótenshe jaǵdaılar departamentiniń qutqarýshylary Úrjar aýdanynyń jastar resýrstyq ortalyǵynyń eriktilerimen birlesip, eń kóp baratyn kýrorttardyń biri-Alakól kólinde aktsııa ótkizdi.

Jyl saıyn munda 12 myńǵa jýyq azamat demalady. Barlyǵy 180-nen astam demalys orny bar. Qazirgi ýaqytta oblysta sýǵa shomylý kezeńiniń basynan beri 24 adam sýǵa batyp ketti, onyń 5-i balalar. Sýǵa batyp ketkenderdiń statıstıkasyna alańdaǵan qutqarýshylar budan bylaıǵy qaıǵyly jaǵdaılarǵa jol bermeý úshin qoldan kelgenniń bárin jasaıdy: tyıym salynǵan shomylý oryndarynda patrýldeıdi, adamdar kóp jınalatyn jerlerde áleýmettik rolıkter men sý aıdyndarynda qaýipsiz júris-turys erejeleri týraly stendter ornalastyrady, balalar lagerlerinde vıktorınalar uıymdastyrady.

«Alaıda bizdiń árqaısymyz erejelerdi saqtaýdyń qanshalyqty mańyzdy ekenin túsinbeıinshe, jaǵdaıdy ózgertý qıyn bolady. Eriktilermen birge oblystyń sý aıdyndarynda qaza bolǵandardy eske alý jáne demalýshylardyń nazaryn qaýipsizdik mádenıetine aýdarý maqsatynda aspanǵan 24 shar ushyryldy. Qaýipsiz jaǵajaı aktsııasy aıasynda qutqarýshylar men eriktiler demalýshylarǵa nusqaý berip, demalystaryn sý janynda qalaı qaýipsiz ótkizý týraly jadynamalardy tabystady. Qazirgi ýaqytta óńirde demalys bazalarynyń ıelerine jaǵajaılardy bekitý boıynsha kásipkerlermen 17 memorandým jasaldy. Demalysty saýatty uıymdastyrý týraly, sonyń ishinde sý aıdynynda qutqarýshylardyń mindetti túrde bolýy, jaǵajaılardy bekitý ıelerin demalýshylar úshin jaýapty bolýǵa mindetteıdi. Sý qoımasynda qaıtys bolǵan jaǵdaıda, bul jaǵajaıda júzýge tyıym salynýy múmkin»,-delingen habarlamada.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT