+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

«Birgemiz» qorynan muqtaj jandarǵa 5 mln maska tegin jetkiziledi

2020 jylǵy 1 sáýir 19:21
Bólisińiz:
«Birgemiz» qorynan muqtaj jandarǵa 5 mln maska tegin jetkiziledi

NUR-SULTAN. QazAqparat - Elbasy Nursultan Nazarbaevtyń bastamasymen qurylǵan «Birgemiz» qoǵamdyq qory, qazaqstandyq «SQ-Farmatsııa» úkimettik operatorymen 5 mıllıon maska alýǵa kelisim jasady, dep habarlaıdy QazAqparat tilshisi.

Buǵan deıin elimizdiń Tuńǵysh Prezıdenti Qaýipsizdik keńesiniń otyrysynda koronavırýstyń taralýyna qarsy kúres sharalary aıasynda muqtaj jandardy qajetti qorǵanys quraldarymen, onyń ishinde medıtsınalyq maskalarmen qamtamasyz etý qajet ekenin aıtqan bolatyn.

Qor tóraǵasy Rýslan Sákeevtiń aıtýynsha, satyp alynǵan maskalar koronavırýstan eń kóp zardap shekken qalalar - Nur-Sultanǵa (2 mln. dana), Almatyǵa (2 mln. dana) jáne Shymkentke (1 mln. dana) jetkiziledi.

«SQ-Farmatsııa» kelisim boıynsha atalǵan qalalarǵa maskany 10 kún ishinde jetkizýge mindetti. Bir maska baǵasy onyń qalalarǵa jetkizilý qunyn qosa eseptegende 118 teńgeni quraıdy. Sondaı-aq, satyp alynǵan maskalardyń sapasyna da «SQ-Farmatsııa» jaýapty. Óz kezeginde, ákimdikter buǵan deıin qormen jasasqan memorandýmǵa sáıkes, maskalardyń taratylǵany týraly esep bere otyryp, olardyń tıisti meken-jaılarǵa ýaqytyly jetkizilýin qamtamasyz etýi kerek.

«Maska eń aldymen, turǵyndardyń vırýs juqtyrý qaýpi joǵary álsiz toptaryna, onyń ishinde jalǵyz basty qarttarǵa, kópbalaly jáne az qamtylǵan otbasylarǵa, jetim balalarǵa, UOS ardagerlerine jáne olarǵa teńestirilgenderge, tyl eńbekkerlerine, erekshe qajettilikteri bar azamattar men múmkindigi shekteýli balalardy kútýshi adamdarǵa arnalǵan», - deıdi Rýslan Sákeev.

Eske sala keteıik, «Birgemiz» qoǵamdyq qory Elbasynyń bastamasymen koronavırýsqa qarsy kúres jaǵdaıynda halyqtyń muqtaj toptaryn qoldaý maqsatynda quryldy. Búginde qorǵa 13 mıllıardtan astam teńge tústi. Kómek alýshalardyń tizimderin naqtylaý úshin ákimdikter jáne áleýmettik qamsyzdandyrý mekmelerimen belsendi jumys júrgizilýde.

Kórsetilgen kómektiń barlyq túrleri men túsken qarajat boıynsha uıymnyń saıtynda jáne áleýmettik jelilerde udaıy aqparattar jarııalanyp, jurtshylyqqa turaqty túrde esep beriledi.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT