Bir aptada jol apatynan 40 adam qaza tapty – QR ІІM

NUR-SULTAN. QazAqparat – Aýa raıynyń sýytýyna baılanysty Qazaqstan joldarynda kólik apaty kóbeıdi. Bul týraly QR Іshki ister mınıstrliginiń resmı ókili Nurdildá Oraz málimdedi, dep habarlaıdy QazAqparat tilshisi.

Uqsas jańalyqtar

Jelide polıtsııaǵa shabýyldaǵan er adamnyń vıdeosy qyzý talqylanyp jatyr

Almatyda páterde jalǵyz qalyp qoıǵan 2 jasar bala qutqaryldy Atyraý oblysynda joǵalyp ketken 3 adam tabyldy ShQO polıtseıleri zańsyz aýlanǵan jarty tonnadan astam balyqty tárkiledi

«Bir aptada jalpy sany 209 jol-kólik oqıǵasy oryn aldy, saldarynan 40 adam qaza taýyp, 235 adam jaraqat aldy. Sýyq túsken kezeńde jol ústindegi qozǵalysqa asa muqııat qaraǵan jón. Qaýipsizdik maqsatynda Іshki ister mınıstrligi alys saparlardy aýa raıy jaǵdaıyna qaraı josparlaýǵa shaqyrady. Tuman men boran boljanǵan kúnderi qala syrtyna shyqpaýǵa keńes beredi», - dedi Nurdildá Oraz áleýmettik jelide ótken onlaın brıfıngte.

Sonymen birge, resmı ókil bir aptada jalpy sany 3424 qylmys tirkelgenin atap ótti. Polıtseılerdiń jedel áreket etýi nátıjesinde 2198 qylmys izi sýymaı ashyldy. Onyń ishinde19 adam óltirý, 38 tonaý jáne 513 urlyq faktileri áshkere boldy.