+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Bilim berý mekemelerin zeınetkerler kúzete ala ma – Senator saýaly

2021 jylǵy 21 qazan 12:35
Bólisińiz:
Bilim berý mekemelerin zeınetkerler kúzete ala ma – Senator saýaly

NUR-SULTAN. QazAqparat – QR Parlamenti Senatynyń depýtaty Aqylbek Kúrishbaev bilim berý mekemeleriniń qaýipsizdigi máselesin kóterip, Іshki ister mınıstri men Bilim jáne ǵylym mınıstrine saýal joldady, dep habarlaıdy QazAqparat tilshisi.

Uqsas jańalyqtar
«Veterınarııa» mamandyǵyn bitirgenderdiń  qansha paıyzy jumysqa ornalasty Sońǵy úsh jylda elimizde vetpreparattardyń jartysy ımporttalǵan Agroónerkásipte 4,1 trln teńgege 582 ınvestıtsııalyq joba iske asyrylady - Erbol Qarashókeev

«Bizdi, senatorlardy bilim berý nysandarynyń qaýipsizdigin qamtamasyz etý máselesi qatty alańdatty. Jýyrda Perm men Qazandaǵy oqýshylardyń qaıtys bolýyna baılanysty bolǵan qaıǵyly oqıǵa bilim berý mekemelerin qorǵaýǵa asa joǵary kóńil bólý kerektigin kórsetti. Ókinishke qaraı, bul turǵyda bizde de kemshilikter jeterlik. QR Kúzet qyzmeti týraly zańnyń 5-babyna sáıkes, kúzet qyzmetin tek tıisti lıtsenzııasy bar zańdy tulǵalar kórsete alady. Bilim berý mekemelerin kúzetý úshin mundaı kompanııalar konkýrstyq negizde tańdalady. Árıne, bul konkýrstarda eń tómengi baǵa usynǵan jeńiske jetedi. Nátıjesinde tómengi baǵa qoıyp jeńgen kúzet kompanııasy barynsha paıda alý maqsatynda qaramaǵyndaǵy kúzet qyzmetkerleriniń jalaqysy men olardyń shyǵyndaryn únemdeıdi», - dedi Aqylbek Kúrishbaev Senat otyrysynda.

Máselen, Nur-Sultan qalasynyń mektepteri men ýnıversıtetterinde jumys isteıtin kúzetshilerdiń aı saıynǵy jalaqysy 70-100 myń teńgeden aspaıdy. Ýnıversıtet rektorlary, mektep pen kolledjderdiń dırektorlary jalaqynyń tómen bolýynan qaýipsizdik qyzmetinde negizinen zeınetkerler nemese zeınet jasyna jaqyndaǵan adamdar jumys isteıdi dep shaǵymdanýda.

«Tártip saqshylarynyń mundaı jalaqysymen bilim berý mekemelerinde oqýshylardyń qaýipsizdigin qalaı qamtamasyz etemiz? Olar tipti biliktilik talaptaryna sáıkes ratsııalarmen, quqyqbuzýshylardy ustaý úshin arnaıy quraldarmen de qamtmasyz etilmegen. Birqatar JOO-da kúzet qyzmeti ýnıversıtettiń shtattyq qyzmetkerlerine, ıaǵnı vahterlarǵa, baqylaýshylarǵa júktelgen. Biraq olardyń lıtsenzııasy joq, sol sebepti qoldanystaǵy zańnamaǵa sáıkes, kúzet qyzmetin atqara almaıdy», - deıdi depýtat.

A. Kúrishbaev elimizdiń oqý oryndaryndaǵy qaýipsizdik júıesindegi problemalarǵa kóz juma qaraýǵa bolmaıtynyn basa aıtty.

«Sebebi tarazynyń basynda – bizdiń balalarymyzdyń ómiri men densaýlyǵy tur. Ýákiletti memlekettik organdarǵa osy saladaǵy isterdiń naqty jaǵdaıyna synı taldaý júrgizýdi jáne kúzet qyzmetine qoıylatyn talaptardy kúsheıtýdi, jumysqa kásibı kadrlardy tartý jáne zamanaýı tsıfrlyq tehnologııalardy, onyń ishinde beınemonıtorıng pen beınetaldaýdy paıdalaný arqyly elimizdiń bilim berý obektilerinde qaýipsizdik júıesin túbegeıli qaıta qaraýdy usynamyn. Óz kzeeginde Senat depýtattary bul jumysqa zańnamalyq deńgeıde belsene qatysýǵa daıyn», - dedi A. Kúrishbaev.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT