USD 434.84 EUR 498.2
RUB 5.72 CNY 68.47
Jańalyqtar

Batys Qazaqstanda bes jylda 77 mektep salý kózdelýde

2021 jylǵy 7 jeltoqsan 13:38
Bólisińiz:
Batys Qazaqstanda bes jylda 77 mektep salý kózdelýde

ORAL. QazAqparat – Batys Qazaqstan oblysynda Prezıdent tapsyrmasyna sáıkes bes jylda 77 mektep salý kózdelip otyr, dep habarlaıdy QazAqparat tilshisi.

Uqsas jańalyqtar
Oralda plastıkalyq oryndyqqa 6 aılyq balanyń basy qystyrylyp qaldy Batys Qazaqstanda birneshe aýyl tabıǵı gazǵa qosyldy Batys Qazaqstanda boranǵa baılanysty Saratov baǵytyndaǵy jol jabyldy

BQO bilim basqarmasynyń basshysy Aıgúl Myńbaevanyń óńirlik kommýnıkatsııalar qyzmeti alańynda ótken brıfıngide málim etkenindeı, Memleket basshysy elimizde 2025 jyldyń sońyna deıin 1 myń mektep salý týraly tapsyrma bergen bolatyn.

Osy baǵytta oblysta tıisti jumystar atqarylady. Mysaly, 2022 jyly óńirde jańadan 21 mektep salynbaqshy, bıyldan aýysatyn 4 ǵımarat jáne bar, barlyǵy 25 nysandy iske qosý josparlanýda. Bulardyń 16-sy – aýyldarda boı kóteretin modýldi, az komplektili bilim ordalary. Al 9 maqsatty mekteptiń úsheýi qalada, altaýy aýdandarda turǵyzylmaqshy. Sondaı-aq 2023 jyly 24 mekteptiń qurylysy bastalmaqshy. Munyń 19-i – modýldi mektepter.

«Bilim berý salasyna bólingen qarjy kólemi jyl saıyn ósip keledi. Mysaly, 2021 jyly 1991 jylmen salystyrǵanda, 92,7 mlrd teńgege ulǵaıyp, 117,7 mlrd teńgege jetti. Táýelsizdik jyldarynda oblysta 70 mektep, 20 balabaqsha, 7 qosymsha bilim mekemesi salyndy. Bıylǵy oqý jylynda 376 mektepte 114 myń oqýshy bilim alýda. Sonyń ishinde 737 shákirti bar 5 jekemenshik mektep bar. Táýelsizdik jyldary óńirde ınnovatsııalyq mektepter jelisi quryldy. Atap aıtqanda, «Nazarbaev zııatkerlik mektebi», daryndy balalarǵa arnalǵan mamandandyrylǵan 4 mektep, «Bilim-ınnovatsııa» lıtseıi, 22 gımnazııa, lıtseıler, sondaı-aq «Daryn» qosymsha bilim ortalyǵy jumys jasaýda. Oblysta mektepke deıingi 521 uıymda 32 myńnan astam baldyrǵan tárbıelenýde», - dedi A.Myńbaeva.

Eske sala keteıik, budan buryn Oralda táýelsizdik jyldary 18 jańa shaǵynaýdan boı kótergenin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT