+7 (701) 759 90 19
USD 430.69 EUR 518.42
RUB 5.66 CNY 66.17
Jańalyqtar

Baspana máselesi: Almaty qalasy boıynsha ózekti suraqtardyń jaýaby

2021 jylǵy 27 aqpan 11:46
Bólisińiz:
Baspana máselesi: Almaty qalasy boıynsha ózekti suraqtardyń jaýaby

ALMATY. QazAqparat - Almaty qalasy Turǵyn úı saıasaty basqarmasy basshysynyń orynbasary Ermek Ámirov jáne Almaty qalasy «Otbasy Bank» AQ fılıaly dırektorynyń orynbasary Danagúl Túsipova Óńirlik kommýnıkatsııalar qyzmeti alańynda jýrnalısterdiń turǵyn úı baǵdarlamalaryn júzege asyrýǵa qatysty suraqtaryna jaýap berdi, dep habarlaıdy QazAqparat.

Uqsas jańalyqtar
Bıyl aýyldarda 4 mln sharshy metr turǵyn úı salynady – Beıbit Atamqulov Bıyl aýylda turǵyn úı salýdyń jańa tetigi engiziledi 2025 jylǵa qaraı aýyldarda 24 mln sharshy metr turǵyn úı paıdalanýǵa beriledi

Kópbalaly jáne az qamtylǵan otbasylardyń baspanaǵa qoljetimdiligin arttyrý úshin qandaı quraldar (joldary) bar? Ótken jyly osy sanattaǵy otbasylarǵa qansha baspana berildi? Bıylǵa jospar qandaı?

Turǵyn úıdiń qoljetimdiligin arttyrý úshin 2021 jyly «kópbalaly otbasy», «múgedek balasy bar nemese múgedek bala tárbıelep otyrǵan otbasy», «1 jáne 2-toptaǵy múgedekter», «jetim balalar» sanattary boıynsha kezekte turǵan azamattarǵa baspana satyp alýǵa bastapqy jarnany engizý úshin 1 mln teńgeden berildi. Barlyǵy qaıtarymsyz negizde 2 myń adam sertıfıkat aldy.

Almaty qalasynda 2020 jyly barlyǵy 2926 otbasy baspanamen qamtamasyz etildi, onyń ishinde:

- 879 – kommýnaldyq turǵyn úı qorynan (427 – halyqtyń áleýmettik osal toptary, 452 - kópbalaly otbasylar);

- 4989 – kezekte turǵandar úshin jeńildikti nesıelik baǵdarlamalar («Shańyraq» baǵdarlamasy – 3578, kredıttik turǵyn úı - 1411);

- 2050 – jastarǵa arnalǵan baǵdarlamalar (Almaty jastary boıynsha kredıtteý – 1000, jumys isteıtin jastar úshin satyp alý quqyǵynsyz jalǵa berý – 1050).

Konsýltatsııalyq kómek barlyq nıet bildirýshilerge kórsetiledi. Ol úshin Turǵyn úı basqarmasynyń birinshi qabatynda operatsııalyq zal bar. Sonymen qatar, keńes áleýmettik jelilerdegi paraqshalarda kórsetiledi. Іske asyrylyp jatqan baǵdarlamalar, sharttar men merzimder týraly aqparat basqarmanyń jáne Almaty jastary saıttarynda jarııalanady.

- «Shańyraq» pılottyq baǵdarlamasynda aǵymdaǵy jyldyń basynan bastap jeke turǵyn úı satyp alý úshin 225 qaryz berildi.

«Shańyraq» baǵdarlamasynyń sharttary:

- tıimdi mólsherleme – jyldyq 5%;

- bastapqy jarna – 10 %;

- qaryzdyń eń uzaq merzimi – 20 jylǵa deıin;

- qaryzdyń eń joǵary somasy – 18 mln teńgege deıin;

- jergilikti atqarýshy organda kezekte turǵandardyń barlyq sanattary qatysýǵa quqyly.

«Halyqtyń áleýmettik osal toby» (HÁOT) sanatyndaǵy 427 otbasy jáne 452 kópbalaly otbasyn bıyl turǵyn úımen qamtamasyz etý josparlanýda. Bul jerde kezekte turǵandar jaıly bolyp otyr ma? HÁOT sanatyna kimder kiredi?

Iá, bul páterlerdiń barlyǵy kommýnaldyq turǵyn úı qorynan baspanaǵa muqtajdar esebinde turǵan azamattarǵa kezektilik tártibimen bólinetin bolady.

HÁOT sanatyna: UOS ardagerleri, jetim balalar, jeńildikter boıynsha UOS ardagerlerine teńestirilgen ardagerler, 1 jáne 2 toptaǵy múgedekter, tolyq emes otbasylar, múgedek balasy bar nemese múgedek bala tárbıelep otyrǵan otbasylar, jasyna baılanysty zeınetkerler, qandastar, QR Úkimeti bekitken aýrýlar tiziminde atalǵan sozylmaly aýrýlardyń aýyr túrlerimen aýyratyn adamdar, ekologııalyq apattar, tabıǵı jáne tehnogendik sıpattaǵy TJ saldarynan jalǵyz turǵyn úıinen aıyrylǵan adamdar, qyzmettik mindetterin atqarý kezinde qaza tapqan qyzmetkerdiń otbasy kiredi.

Osy jyly 8 myńnan astam turǵyndy baspanamen qamtamasyz etý josparlanýda. Azamattar bul tizimge kiretinin, ne kirmeıtinin qalaı bile alady?

Páterlerdiń jalpy sanynyń 879-y kezektilik tártibimen bólinetin bolady.

Qalǵan páterler jeńildetilgen ıpotekalyq baǵdarlamalar boıynsha, sondaı-aq 29 jasqa deıingi jumys isteıtin jastar úshin satyp alý quqyǵynsyz satylady. Osy baǵdarlamalarǵa qatysý erikti sıpatta bolady. Osyǵan baılanysty qatysýǵa nıet bildirýshiler tıisti ótinim berýi tıis.


Kezekte turǵandardy túgendeý qalaı júrgiziledi?

2020 jyldan bastap kezekte turǵandarǵa qyzmet kórsetetin baǵdarlamalyq ónim - «Esepke qoıý...» biryńǵaı ulttyq júıesi engizilgen. Ol jylyna bir ret memlekettik organdardyń barlyq júıelerinen derekterdi ıntegratsııalaý arqyly avtomatty túrde túgendeý júrgizedi. Onyń nátıjeleri boıynsha qajettilik bolmaǵan, basqa eldi mekenge ketken, sanatyn joǵaltqan jáne t.b. jaǵdaıda kezekte turǵan adam esepten shyǵarylady.


«Turǵyn úı qatynastary týraly» QR Zańynda Almaty qalasynda turý talaby kózdelgen. Bul rette, qazirgi ýaqytta 14 jasqa tolmaǵan balalardy tirkeý tártibi ózgerdi. Bul fakti kezekke qoıýdan bas tartý úshin negiz bolyp tabyla ma? Memleketten turǵyn úıdi kim jáne qalaı ala alady?

14 jasqa deıingi balalardyń mekenjaı tirkeýinde bolmaýy kezekke qoıýdan bas tartý úshin negiz bolyp tabylmaıdy. Jalǵyz talap – balalardy basqa eldi mekende tirkeýge bolmaıdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT