Bas prokýratýra: Aýyr jáne asa aýyr qylmystar boıynsha 695 tergeý bastaldy
2022 jylǵy 18 qańtar 12:15

Bas prokýratýra: Aýyr jáne asa aýyr qylmystar boıynsha 695 tergeý bastaldy

NUR-SULTAN. QazAqparat – Eldegi tártipsizdikterge baılanysty «aýyr» jáne «asa aýyr» qylmystar boıynsha 695 sotqa deıingi tergeý bastaldy, dep habarlaıdy QazAqparat tilshisi.

Bul týraly QR Bas prokýrorynyń aǵa kómekshisi Azamat Sarǵazın ortalyq kommýnıkatsııalar qyzmetinde ótken brıfıngide aıtty.

«Aýyr jáne asa aýyr qylmystar boıynsha 695 sotqa deıingi tergep-tekserý bastaldy. Onyń ishinde 44 - terrorızm aktileri boıynsha, 15 – kisi óltirý boıynsha, 6 is - nasıhattaý faktileri jáne bılikti basyp alýǵa shaqyrý boıynsha. Kúdikti retinde 780 adam ustaldy. Onyń 695-in sot qamaqqa aldy. Bul isterdiń aýyr jáne asa aýyr qylmystar sanatyna jatatynyna taǵy da nazar aýdaryǵym keledi», - dedi Bas prokýrordyń aǵa kómekshisi.

Buǵan deıingi brıfıngilerdiń birinde Bas prokýratýra tótenshe jaǵdaı rejımi kezinde quqyq qorǵaý ókilderiniń áreketine baılanysty eldegi 32 aryz túskenin málim etken bolatyn.

Quzyrly organ tártipsizdikter men terrorıstik shabýyldan qaza bolǵandardyń jalpy sanyn ataǵan edi.


Jańalyqtar

MURAǴAT