+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

«Baqytty otbasy» ortalyǵynda analarǵa qandaı kómek kórsetiledi

2021 jylǵy 8 qyrkúıek 16:33
Bólisińiz:
«Baqytty otbasy» ortalyǵynda analarǵa qandaı kómek kórsetiledi

ALMATY. QazAqparat - Almatydaǵy «Baqytty otbasy» ortalyǵynyń jetekshisi Zýlfııa Baısaqova onlaın brıfıng barysynda ortalyq mamandary turǵyndarǵa qandaı kómek kórsetip jatqanyn aıtty, dep habarlaıdy QazAqparat tilshisi.

Uqsas jańalyqtar

Kópbalaly jáne az qamtylǵan otbasylarǵa jan-jaqty kómek kórsetý maqsatynda 2019 jyldyń tamyzynan bastap Almatynyń ár aýdanynda «bir tereze» qaǵıdaty boıynsha «Baqytty otbasy» ortalyqtary jumys isteı bastady.

«Pandemııaǵa qaramastan, ortalyqtar sanıtarlyq-epıdemıologııalyq talaptardy eskere otyryp jumysyn jalǵastyrýda. Munda kópbalaly jáne az qamtylǵan otbasylar zańgerlerden, áleýmettik qyzmetkerlerden jáne psıhologtardan tegin keńes ala alady», - dedi Zýlfııa Baısaqova.

Onyń aıtýynsha, ortalyqtarǵa kúnine 700-den astam qala turǵyny keledi.

«Baqytty otbasy» ortalyqtarynda aǵylshyn tilin úırený, makııaj, massaj, shashtaraz, pishý jáne tigin, gımnastıka, aspaz, toqý, sómke tigý boıynsha tegin kýrstar, kompıýterlik kýrstar ótkiziledi.

Kópbalaly jáne az qamtylǵan otbasylardyń balalary art-terapııa, gımnastıka, matematıka men logıka, shahmatpen aınalysýǵa, aǵylshyn tilin úırenýge, toqý kýrstaryna qatysýǵa jáne logopedpen keńesýge múmkindik alady.

«Ortalyqta 33 myń adam tirkelgen, bıyl - 4 643 adam tirkeldi. Jyl basynan beri muqtaj 35 250 adamǵa resýrstyq, ádistemelik jáne 3 700 ótinish berýshige quqyqtyq kómek ekórsetildi. 5 694 adam bala tárbıesi, kóshbasshylyq, otbasylyq qundylyqtar boıynsha bastapqy daıyndyqtan ótti», - deıdi ol.

Spıkerdiń sózinshe, metsenattar «Baqytty otbasy» ortalyqtaryna kómek berip turady.

Demeýshilik qarajatqa azyq-túlik, kıim-keshek, jeke gıgıena quraldary satyp alyndy.

Sonymen qatar, 2300-den astam balanyń týrıstik jáne mádenı oryndarǵa saıahat uıymdastyryldy, qaıyrymdy jandardyń qoldaýymen 370 adam turaqty jáne ýaqytsha jumysqa ornalasty.

Qalada «Bastaý bıznes» baǵdarlamasy boıynsha analarǵa kásipkerlik negizderin úıretýge baǵyttalǵan «Іsker Ana» jobasy, sondaı-aq «Eńbek» memlekettik baǵdarlamasy boıynsha qysqa merzimdi kýrstar júzege asyrylyp jatyr.

«Bıyl joba demeýshileriniń arqasynda Áýezov aýdanynda qoldan jasalǵan toqyma jáne azyq-túlik ónimderin satatyn 4 saýda núktesi ashyldy. Túrksib aýdanynda kópbalaly analardyń qoldan jasaǵan buıymdaryn satý úshin «Іsker Ana» saýda úıi ashyldy. Saýda úıi qazirgi zamanǵy ulttyq kıimderdi, quraq-kórpe, ulttyq naqyshtaǵy zergerlik buıymdardy, áıelderge arnalǵan kıimderdi usynady, sonymen qatar kıimderdi óńdeý men jóndeý boıynsha qyzmetter kórsetedi»,-dedi ortalyq basshysy.

Sonymen qatar, ol «Óz bıznesińdi bastaý» baǵdarlamasy boıynsha 506 adam, onyń ishinde 290 kópbalaly otbasy jáne 216 az qamtylǵan otbasy músheleri «Atameken» UKP bazasynda túrli kásip negizderi boıynsha bilim alǵanyn atap ótti.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT