+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Azyq-túlik ónimderiniń baǵasyn turaqtandyrýdyń mańyzy zor — Asqar Mamın

2021 jylǵy 23 qazan 14:10
Bólisińiz:
Azyq-túlik ónimderiniń baǵasyn turaqtandyrýdyń mańyzy zor — Asqar Mamın

NUR-SULTAN. QazAqparat - QR Premer-Mınıstri Asqar Mamın Úkimettiń Tsıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri jóninde keńes ótkizdi.

Uqsas jańalyqtar
Úkimet Ekologııalyq kodekstegi baǵalaýdyń jańa quraldary jaıynda málimettermen bólisti Qazaqstanda 4 apta qatarynan azyq-túlik baǵasynyń nóldik ósimi tirkeldi Almatyda áleýmettik et dúkenderi ashyldy

Bul týraly QazAqparat QR Úkimetiniń baspasóz qyzmetine silteme jasap habarlaıdy.

Qazirgi jaǵdaı men atqarylyp jatqan jumystar týraly saýda jáne ıntegratsııa mınıstri Baqyt Sultanov, aýyl sharýashylyǵy mınıstri Erbol Qarashókeev, Qaraǵandy oblysynyń ákimi Jeńis Qasymbek, Soltústik Qazaqstan oblysynyń ákimi Qumar Aqsaqalov, Nur-Sultan qalasynyń ákimi Altaı Kólginov, Aqtóbe oblysynyń ákimi Ońdasyn Orazalın, Jambyl oblysynyń ákimi Berdibek Saparbaev, Aqmola oblysynyń ákimi Ermek Marjyqpaev jáne t. b. baıandady.

Ótken aptada áleýmettik mańyzy bar azyq-túlik taýarlary baǵasynyń ósimi 0,2%-dy qurady. Buǵan jumyrtqa baǵasynyń 1,3%-ǵa, sábizdiń 0,8%-ǵa jáne qanttyń 0,7%-ǵa qymbattaýy áser etti. Jumyrtqa baǵasynyń eń kóp ósýi Qaraǵandy (7,6%), Batys Qazaqstan (7,3%) jáne Aqmola (4,8%) oblystarynda, sábiz boıynsha Almaty qalasynda (4,5%), qant boıynsha Qaraǵandy oblysynda (5,5%) tirkeldi.

Óńirlerde «aınalym shemasyn» qarjylandyrý 4,4 mlrd teńgege artyp, 45,1 mlrd teńgege jetti. Nysanaly deńgeı 90,2%-ǵa qamtamasyz etildi. 306 myń tonna áleýmettik mańyzy bar taýarlar satyp alyndy, bul ótken aptadaǵy kórsetkishpen salystyrǵanda 12%-ǵa artyq. Úsh aılyq kezeńge ÁMAT-pen qamtamasyz etý elimiz boıynsha 90%-dan asady (aptasyna +17,6 p.t.), áleýmettik mańyzy bar azyq-túlik taýarlarynyń barlyq túrleri boıynsha eń joǵary kórsetkishterge Nur-Sultan jáne Shymkent qalalarynda, Mańǵystaý, Qaraǵandy, Batys Qazaqstan, Shyǵys Qazaqstan jáne Jambyl oblystarynda qol jetkizildi.

Ótken aptada Básekelestikti qorǵaý jáne damytý agenttigi óńirlik saýda jelilerimen ÁMAT-qa saýda ústemelerin 15%-dan 10%-ǵa deıin tómendetý týraly monopolııaǵa qarsy komplaenstiń 17 aktisin jasasty.

Jalpy, respýblıka boıynsha monopolııaǵa qarsy komplaenstiń 125 aktisi jasaldy.

Premer-Mınıstr óńirlerdiń ákimderine «aınalym» shemasyn qarjylandyrýdy ulǵaıtý jáne ónimderdiń úsh aılyq qoryn usynylǵan kólemderge deıin jetkizý, azyq-túlik taýarlarynyń óńiraralyq úzdiksiz aǵynyn uıymdastyrý, sondaı-aq saýda sýbektileriniń baǵany saýda ústemesinen asyrý faktileriniń jolyn ýaqytyly kesý arqyly áleýmettik mańyzy bar azyq-túlik ónimderiniń baǵasyn ustap turýdy kúsheıtýdi tapsyrdy.

«Áleýmettik mańyzy bar azyq-túlik taýarlarynyń baǵasyn turaqtandyrý jáne jalpy ınflıatsııany tejeý máseleleri asa mańyzdy. Árbir taýar pozıtsııasy boıynsha jaǵdaıdy kúndelikti baqylaı otyryp, júıeli jumys júrgizý qajet», — dedi A. Mamın.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT