+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Áıelder isteri jónindegi ulttyq komıssııa tóraıymy: Áıelder pandemııamen kúreste aldyńǵy qatarda

2020 jylǵy 23 mamyr 14:07
Bólisińiz:
Áıelder isteri jónindegi ulttyq komıssııa tóraıymy: Áıelder pandemııamen kúreste aldyńǵy qatarda

NUR-SULTAN. QazAqparat - Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymy Lázzat Ramazanova «BUU-Áıelder» uıymynyń Shyǵys áriptestik elderi men Ortalyq Azııa aımaǵyndaǵy áıelder máseleleri jáne genderlik teńdik boıynsha ulttyq qurylymdar basshylarymen vırtýaldy dıalogqa qatysty, dep habarlaıdy QazAqparat.

Onyń jumysyna QR-daǵy Adam quqyqtary jónindegi ýákil Elvıra Ázimova, BUU Bas hatshysynyń kómekshisi jáne «BUU-Áıelder» qurylymynyń oryndaýshy dırektorynyń orynbasary Osa Regner, Eýropa jáne Ortalyq Azııa elderindegi «BUU-Áıelder» qurylymynyń óńirlik dırektory Álııa El-ıAsır, Armenııa, Ázerbaıjan, Ýkraına, Belarýs, Qyrǵyzstan, Ózbekstan jáne t.b. elderdiń áıelder máseleleri jáne genderlik teńdik máseleleri jónindegi ulttyq qurylymdardyń basshylary qatysty.

Vırtýaldy dıalogtyń maqsaty – COVID-19-ǵa qarsy qysqa merzimdi jáne uzaq merzimdi den qoıýdyń genderlik-baılanysty sharalary úshin qıyndyqtar men basymdyqtardy talqylaý.

Lázzat Ramazanova Prezıdenttiń «Memleket bul qıyn ýaqytta eshkimdi qaldyrmaıdy» atty bas messedjine nazar aýdardy. Memleket basshysynyń tapsyrmasy boıynsha memlekettik komıssııa qurylyp, koronavırýs ınfektsııasynyń taralýynyń aldyn alý boıynsha is-sharalar jospary bekitildi. Qazaqstan barlyq qajetti qoldaý sharalaryn qabyldaýda. Koronavırýsqa qarsy kúreske jáne daǵdarysqa qarsy sharalardy iske asyrýǵa 6 trıllıon teńge nemese 13 mlrd dollar bólindi. 5 mln qazaqstandyq, onyń ishinde epıdemııaǵa qarsy is-sharalarǵa jumyldyrylǵan dárigerler men tabysynan aıyrylǵan azamattar memleketten qarjylaı jáne azyq-túliktik kómek aldy.

Lázzat Ramazanova áıelder pandemııamen kúreste aldyńǵy qatarda ekenin atap ótti. Bul, eń aldymen, qıyn jaǵdaıda qajyrly eńbek etip jatqan medıtsına jáne áleýmettik qyzmetkerler men muǵalimder. Qazaqstanda densaýlyq saqtaý, bilim berý jáne halyqty áleýmettik qorǵaý salasyndaǵy áıelderdiń úlesi 73% - dan asady (2019 j.).

«Qazaqstan COVID-19 pandemııasy sebebinen týyndaǵan jaǵdaıdy jaqsartýǵa arnalǵan genderlik teńdikti qamtamasyz etý jónindegi jol kartasyn ázirleý qajettiligi týraly «BUU-Áıelder» bastamasyn qoldaıdy», - dedi ulttyq komıssııa tóraıymy Lázzat Ramazanova.

Vırtýaldy dıalog qorytyndysy boıynsha qatysýshylar arasynda pandemııany taratýǵa qarsy sharalar sheńberinde áıelderdiń quqyqtary men múmkindikterin keńeıtý úshin mindettemelerdi odan ári ilgeriletý men oryndaý úshin qajetti is-áreketterge qatysty jalpy túsinistikke qol jetkizildi.


Foto: atameken.kz
Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT