USD 434.84 EUR 498.2
RUB 5.72 CNY 68.47
Jańalyqtar

Aýyl sharýashylyǵyndaǵy «Mal derek» baǵdarlamalyq ónimi ne úshin kerek

2021 jylǵy 3 jeltoqsan 11:54
Bólisińiz:
Aýyl sharýashylyǵyndaǵy «Mal derek» baǵdarlamalyq ónimi ne úshin kerek

NUR-SULTAN. QazAqparat – «Jeke qosalqy sharýashylyq týraly» zań jobasyn jaqyn arada Parlamenttiń qaraýyna engiziledi. Bul týraly Senattaǵy parlamenttik tyńdaýda Aýyl sharýashylyǵy mınıstri Erbol Qarashókeev málim etti, dep habarlaıdy QazAqparat tilshisi.

Uqsas jańalyqtar
Sýbsıdııalaýdyń aqparattyq júıesi Aqmola oblysynda ilki rejımde iske qosylady - Qarashókeev Bıyl aýyl sharýashylyǵy daqyldary 13,5 myń gektarǵa artyq egiledi Memleket basshysy elden eshteńeni jasyryp otyrǵan joq - senator

«Mal sharýashylyǵynda erekshe mańyzdy mindet – ol aýyspaly egistegi mal azyǵy daqyldarynyń úlesin kóterip, tozǵan jaıylymdardy qalpyna keltirip, jańa jaıylymdardy sýlandyrý arqyly mal azyǵynyń mólsherin ǵylymı negizdelgen normalarǵa deıin jetkizý arqyly onyń berik qoryn qalyptastyrý bolyp otyr. Jeke sharýashylyqtaǵy mal basyn jaıylymdarmen qamtamasyz etýdi biz olardy kooperatsııalaý jáne osyndaı kooperatıvterge jer alqaptaryn berý ári olarǵa memeleket tarapynan qoldaý kórsetý arqyly túbegeıli sheshpekpiz. Osy oraıda «Jeke qosalqy sharýashylyq týraly» zań jobasyn ázirledik, jáne ol jýyq arada Parlamentke jiberiledi», - dedi E. Qarashókeev «Aýyl sharýashylyǵyn damytýdyń ózekti máseleleri men perspektıvalary» taqyrybyna arnalǵan parlamenttik tyńdaýda.

Onyń aıtýynsha, mınıstrlik veterınarııa salasynyń problemalaryn sheshýdiń jolyn veterınarııalyq qyzmetter naryǵyn damytý, mal dárigerleriniń jalaqysyn kóterý, ortalyq jáne jergilikti atqarýshy organdardyń veterınarııalyq qyzmetteri arasyndaǵy ókilettikterdiń arajigin naqty ajyratýdan kórip otyr. Ásirese, tsıfrlandyrýǵa erekshe kóńil bólindi. Buǵan qajetti qarajat qarastyryldy.

«Qazirgi ýaqytta mobıldik qosymshasy bar «Mal derek» baǵdarlamalyq ónimi ázirlenýde. Ol veterınarııalyq qujattamanyń negizgi bóligin tsıfrlyq formatqa aýystyra otyryp, mamandardy qaǵazbastylyqtan bosatýǵa jáne janýarlardy esepke alýdyń búkil protsesin avtomattandyrýǵa, epızootııalyq ahýaldy jáne mal ónimderiniń qaýipsizdigin qadaǵalaýǵa múmkindik beredi. Osy baǵdarlamalyq ónimniń birinshi nusqasy bıyldyń sońyna deıin ázirlenedi jáne kelesi jyly ol pılottyq rejımde bir aýdannyń bazasynda synaqtan ótedi dep kútilýde. Sodan keıin taǵy da bir ret pysyqtalyp, búkil respýblıka kóleminde qoldanysqa engiziletin bolady», - dedi mınıstr.

Budan buryn habarlanǵandaı, Erbol Qarashókeev saladaǵy negizgi problemalardy aıtty.

Salany memlekettik qoldaý máselelerinde de eleýli kemshilikter bar. Eń aldymen, bul sýbsıdııalaý tetikteriniń kúrdeliligi, sýbsıdııa alýdyń sharttarynyń kóptigi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT