+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Aýtızm ortalyqtary jeke uıym retinde jumys isteıdi - Ashat Aımaǵambetov

2021 jylǵy 26 qazan 09:27
Bólisińiz:
Aýtızm ortalyqtary jeke uıym retinde jumys isteıdi - Ashat Aımaǵambetov

ALMATY. QazAqparat - Bilim jáne ǵylym mınıstri Ashat Aımaǵambetov Almaty qalasyndaǵy aýtızm ortalyǵy men mektep jylyjaılaryna bardy. Bul týraly mınıstr jelidegi paraqshasynda jazdy.

Uqsas jańalyqtar

«Almatyǵa jumys sapary barysynda «Asyl Mıras» aýtızm ortalyǵyna bardym. Balalarmen jumys isteý úshin jasalǵan jaǵdaılar men qoldanylatyn ádistemelermen tanystym. Erekshe bilim berý qajettilikteri bar balalardyń densaýlyǵyn nyǵaıtý jáne olardy damytý úshin osyndaı ortalyqtardy ashýdyń qanshalyqty mańyzdy ekenin sózben jetkizý qıyn. B. Ótemuratov qory esebinen kóptegen maman minez-qulyqty taldaý boıynsha oqytýdan ótip, qazir balalar men olardyń ata-analaryna kómek kórsetip jatyr. Qazirgi ýaqytta biz atalǵan ortalyqtardy jeke uıymdar retinde QR BǴM «Bilim berý uıymdary túrleriniń nomenklatýrasy týraly» buıryǵyna engizdik. Bul ákimdikterge osyndaı uıymdardy ashyp, olardy qamtamasyz etýge múmkindik beredi. Sonymen qatar psıhologııalyq-pedagogıkalyq túzeý kabıneti jáne ońaltý ortalyqtary mamandarynyń biliktiligin arttyrýdy josparlap otyrmyz. «Arnaıy jáne ınklıýzıvti bilim berýdi damytýdyń Ulttyq-ǵylymı praktıkalyq ortalyǵy» bazasynda erekshe bilim berý qajettilikteri bar balalardy oqytý boıynsha mektepterdiń qyzmetin úılestirý jónindegi resýrstyq ortalyq ashyldy», - dep jazdy A. Aımaǵambetov.

Mınıstr ınklıýzııany qoldaý kabınetteri men resýrstyq ortalyqtardy ashyp, pedagogterdi oqytýmen aınalysyp jatqan «Dara», «Bolashaq» qorlarynyń jáne basqa da uıymdardyń zor úlesin atap ótti.

Sonymen qatar Bilim mınıstri Almatydaǵy «Jasyl mektep» jobasy aıasynda iske qosylǵan mektep jylyjaılaryna bardy.

«Búgingi tańda Almatyda osyndaı 16 jylyjaı jumys isteıdi. Bul jerde oqýshylar pedagogtermen birge kókónister men ósimdikterdi ósire alady. Aldaǵy ýaqytta jobany basqa óńirlerde de engizý josparlanyp otyr. Qala mektepterindegi mundaı jańashyldyq balalardy eńbekke baýlyp, ekologııalyq mádenıetin damytady jáne mektep kezinen bastap praktıkalyq bilim men daǵdylardy alýǵa múmkindik beredi», - dedi ol.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT