Australian Open: Elena Rybakına Zarına Dııasty jeńip, ekinshi aınalymǵa shyqty
2022 jylǵy 18 qańtar 12:40

Australian Open: Elena Rybakına Zarına Dııasty jeńip, ekinshi aınalymǵa shyqty

NUR-SULTAN. QazAqparat – Qazaqstannyń birinshi, álemniń 12-raketkasy Elena Rybakına Aýstralııa ashyq chempıonatynyń ekinshi aınalymyna shyqty, dep habarlaıdy QazAqparat tilshisi.

E.Rybakına bastapqy kezdesýin otandasy, reıtıngte 104-orynda turǵan Zarına Dııaspen ótkizdi.

Birinshi partııada Elena breıkpen alǵa ketti – 4:1. Degenmen Zarına izinshe qaıyra breık jasap, tarazy basyn teńestirdi – 3:4. Taı-breıkte Z.Dııas sáttirek oınady – 7:6 (7:3).

E.Rybakına ekinshi setti breıkpen bastaǵanymen, Zarına qaıta teńestirdi – 2:2. Esep 5:4 bolyp, Z.Dııas alǵa shyqqanda, Elena medıtsınalyq kómekke júgindi. Zarına matchboldy paıdalana almasa, taı-breıkte E.Rybakına basymdylyq kórsetti – 7:6 (7:3).

Úshinshi, sheshýshi partııada Qazaqstannyń birinshi raketkasy 3:0 esebimen alǵa ketti. Taǵy bir breık – 5:1.

Elena 2 saǵat 35 mınýtqa sozylǵan tartysty matchta 9 eıs jasap, 12 breık-poınttyń tórteýin paıdalandy. Zarına eıs jasamaı, 2 breıkpen (10 breık-poınt) shekteldi.

E.Rybakına ekinshi aınalymda álemniń 40-raketkasy, shveıtsarııalyq Vıktorııa Golýbıch nemese reıtıngte 74- satydaǵy qytaılyq Chjan Shýaıdyń bireýimen kezdesedi.

Osylaısha Aýstralııa ashyq chempıonatynda Qazaqstannan jekeleı synda Aleksandr Býblık pen Elena Rybakına qaldy.

Eske sala keteıik, budan buryn Aleksandr Býblıktiń Aýstralııa ashyq chempıonatyn jeńispen bastaǵanyn, Mıhaıl Kýkýshkınniń ekinshi aınalymǵa óte almaǵanyn jazǵan bolatynbyz.

Sondaı-aq Tımofeı Skatov qarsylasyna ese jiberdi.




Jańalyqtar

MURAǴAT