+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Aýǵanstandy teńdessiz qıyndyqtarmen jalǵyz qaldyrmaýymyz qajet – QR Prezıdenti

2021 jylǵy 15 qazan 16:39
Bólisińiz:
Aýǵanstandy teńdessiz qıyndyqtarmen jalǵyz qaldyrmaýymyz qajet – QR Prezıdenti

NUR-SULTAN. QazAqparat – Aýǵanstandy teńdessiz qıyndyqtarmen jalǵyz qaldyrmaýymyz qajet. Bul týraly TMD uıymyna múshe memleketter basshylary keńesiniń kezekti otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

Uqsas jańalyqtar
QR Prezıdenti Shveıtsarııada qazaqtyń kóne jádigerleri saqtalǵan mýzeıdi aralady Qasym-Jomart Toqaev Shveıtsarııa Prezıdentimen kelissóz júrgizdi QR Prezıdenti Dúnıejúzilik saýda uıymynyń bas dırektorymen kezdesti

«Qazirgi zaman bolmysy TMD-nyń qaýipsizdik salasyndaǵy yntymaqtastyq tetikterin jetildirýdi talap etedi. Bul saladaǵy bizdiń ózara is-qımylymyzdyń negizgi kontýrasy Áskerı yntymaqtastyq tujyrymdamasynda, sonymen qatar 2025 jylǵa deıin syrtqy shekaranyń shekaralyq qaýipsizdigin nyǵaıtý baǵdarlamasynda belgilengen. Buǵan qosa, júrgiziler jumysta terrorızm, dinı ekstremızm, esirtki saýdasynan týyndaıtyn syn-qaterlerge birlesip qarsy turý máselelerine erekshe basymdyq berý qajet. Bul syn-qaterler Aýǵanstanda oryn alǵan jaǵdaıǵa baılanysty birinshi kezekti mánge ıe bolyp otyr», - dedi Qasym-Jomart Toqaev.

QR Prezıdentiniń atap ótýinshe, Qazaqstan aýǵan máselesinde BUU ustanymyn qoldaıdy.

Bul eldegi kúrdeli gýmanıtarlyq jaǵdaı búkil álemdik qoǵamdastyqtyń nazarynda bolýy tıis. Bizdiń saıası kózqarasymyz ben jeke nanym-senimimiz qandaı bolsa da, Aýǵanstandy teńdessiz qıyndyqtarmen jalǵyz qaldyrmaýymyz qajet. Bul istegi naqty úles aýǵan halqyna gýmanıtarlyq kómek bolmaq. Qazaqstan qazirdiń ózinde azyq-túlik pen birinshi qajetti taýarlardy jetkizýge kirisip ketti. Bul jumysty júıeleý úshin Aýǵanstanǵa halyqaralyq kómek kórsetý jónindegi logıstıkalyq hab qurýdy usynamyz. Aýǵanstanǵa daǵdarystyń ótkir kezeńin eńsergennen keıin de BUU ınstıtýttary tarapynan munan arǵy da júıeli qoldaýdyń qajet bolatyndyǵy sózsiz. Osynaý mańyzdy mindetke biz usynyp otyrǵan Almatyda BUU-nyń óńirlik ortalyǵyn qurý týraly bastama jaýap bere alady. Dostastyq elderiniń osy josparlardyń júzege asyrylýyna járdem beretindigine úmittenemiz», - dedi Memleket basshysy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT