Atyraýda Ashyq qosymshasymen «qyzyl» mártebesi bar 61 adam anyqtaldy
2022 jylǵy 26 qańtar 19:43

Atyraýda Ashyq qosymshasymen «qyzyl» mártebesi bar 61 adam anyqtaldy

ATYRAÝ. QazAqparat – Atyraýda Ashyq qosymshasymen «qyzyl» mártebesi bar 61 adam anyqtaldy, dep habarlaıdy QazAqparat.

Atyraý qalalyq sanıtarlyq-epıdemıologııalyq qadaǵalaý basqarmasy bastyǵynyń orynbasary Murat Qamzınniń aıtýynsha, koronavırýs ınfektsııasyn juqtyrǵan adamadar qoǵamdyq oryndarǵa emin-erkin baryp júrgen.

«Qaýipti vırýsqa shaldyqqan adamdar HQKO-larda, saýda oryndary men bazarlarda, áýejaıda, dúkenderde jáne basqa da nysandarda kórsetiletin qyzmetterdi paıdalanýǵa tyrysqan. Jyl basynan beri Atyraýda Ashyq qosymshasymen «qyzyl» mártebesi bar 61 adam anyqtaldy. Olar – koronavırýs ınfektsııasyn taratýshylar. Osyǵan baılanysty ambýlatorlyq emdeýge oqshaýlanǵan adamdardy karantındik shekteý rejımin buzbaýǵa, qoǵam aldynda azamattyq jaýapkershilik tanytýǵa shaqyramyz», -deıdi Murat Qamzın.

Eske sala ketelik, jańa jyldan beri 5 myńǵa jýyq atyraýlyq koronavırýsqa shaldyqqanyn habarlaǵan edik.


Avtor:
Tilshi

Jańalyqtar

MURAǴAT