Atyraý oblysynda 41,4 mlrd teńgeniń ekologııalyq jobalary iske asyrylady
2022 jylǵy 19 qańtar 22:31

Atyraý oblysynda 41,4 mlrd teńgeniń ekologııalyq jobalary iske asyrylady

ATYRAÝ. QazAqparat – Atyraý oblysynda 41,4 mlrd teńgeniń ekologııalyq jobalary isk asyrylady, dep habarlaıdy QazAqparat.

Oblystyq Tabıǵı resýrstar jáne tabıǵat paıdalanýdy retteý basqarmasynyń basshysy Nurlan Jantoqovtyń málimetinshe, 2025 jylǵa deıin Atyraý oblysynda ekologııa men qorshaǵan ortany jaqsartý úshin 20 jobany júzege asyrý josparlanǵan.

«Atyraý oblysynda ekologııalyq jaǵdaıdy jaqsartý jónindegi Jol kartasy daıyndaldy. Jol kartasynda 40 túrli baǵyt bar. Soǵan sáıkes, aldaǵy 5 jyl bul maqsatqa 41,4 mlrd teńge qajet. Onyń ishinde 27,5 mlrd teńge respýblıkalyq bıýdjetten, 4,5 mlrd teńge jergilikti bıýdjetten, al 9,4 mlrd teńge jeke ınvestıtsııadan bólinedi», -deıdi Nurlan Jantoqov.

Onyń aıtýynsha, ekologııalyq jobalar aıasynda «Sasyq saı», «Kvadrat» býlaný alańdary qalpyna keltiriledi. Sondaı-aq «Bolashaq» munaı men gazdy keshendi daıyndaý qondyrǵysynyń býlaný alańy men Atyraý qalasynyń oń jaǵalaýyndaǵy káriz tazartý qurylystaryn qaıta jańartý sekildi ózge de jobalar bar.

Eske sala ketelik, budan buryn Atyraý munaı óńdeý zaýytynda birneshe qondyrǵynyń jumysy 9 kúnge toqtaıtynyn jazǵan bolatynbyz.


Avtor:
Tilshi

Jańalyqtar

MURAǴAT