Atom stansasy búkil problemanyń daýasy bola almaıdy – Bolat Aqsholaqov
2022 jylǵy 20 mamyr 15:30

Atom stansasy búkil problemanyń daýasy bola almaıdy – Bolat Aqsholaqov

NUR-SULTAN. QazAqparat – Elorda turǵyny QR Energetıka mınıstri Bolat Aqsholaqovtan atom elektr stansasyn salýǵa qatysty paıymyn surady, dep habarlaıdy QazAqparat tilshisi.

«AES boıynsha ne estigińiz kelip otyrǵanyn túsinbedim. Jeke pikirimdi bilgińiz kelse, aıtaıyn. Bizge atom elektr stansasy kerek. Burynǵy kólemde kómir qoldana berýimizge bolmaıdy. Kómir stansalaryna eshkim qarjy salmaıdy qazir. Ókinishke qaraı, gaz tutynýdyń múmkindikterin ózderińiz kórip otyrsyzdar. Barǵan saıyn azaıyp keledi. Eger jańa kózderdi ashyp, ıgerý úshin aqsha salmasaq, gaz tapshylyǵy bolady», - dedi Bolat Aqsholaqov.

Mınıstrdiń oıynsha, AES salýdan týyndaýy yqtımal táýekelderdi baqylaýda ustaýǵa bolady.

«Atom stansasy búkil problemanyń daýasy bola almaıdy, árıne. Biraq, ol – turaqty, synaqtan ótken kóz bolar edi. Iá, oǵan qarsy adamdar bar. Túrli úreı bar deýge bolady. Qazaqstanda bul máselege keńes zamanyndaǵy ıadrolyq polıgonmen salystyrmaly túrde qaraıdy degendeı. Men ony túsinem, negizsiz de emes shyǵar. Biraq, azamattyq energetıka turǵysynan aıtarlyqtaı qateri joq negizi. Kez kelgen istiń óz táýekeli bolady. Tipti, sý ishseńiz de, túrli táýekeli bar. Esepti durys júrgizip, táýekelderdi basqara alý kerek. Biz qazir sol esepti júrgizip jatyrmyz. Qaıtalap aıtaıyn, atom stansasy – bolashaqtaǵy elektr tapshylyǵyn sheshýdiń óte jaqsy joly bola alady», - dedi mınıstr.

Sondaı-aq, Bolat Aqsholaqov BAQ ókilderine eldiń soltústigi men shyǵysyndaǵy óńirlerdi gazdandyrý múmkindikteri týraly málimet berdi.


Uqsas jańalyqtar

Jańalyqtar

MURAǴAT