USD 434.84 EUR 498.2
RUB 5.72 CNY 68.47
Jańalyqtar

Astanada kúrdeli jóndeý júrgiziletin úıler boıynsha baǵdarlama ázirlendi

2021 jylǵy 26 qarasha 16:31
Bólisińiz:
Astanada kúrdeli jóndeý júrgiziletin úıler boıynsha baǵdarlama ázirlendi

NUR-SULTAN. QazAqparat - Memleket basshysynyń Joldaýyn iske asyrý jáne elordanyń turǵyn úı qoryn saqtaý boıynsha qosymsha tetikterdi engizý maqsatynda ishinara kúrdeli jóndeý júrgizýdi talap etetin úılerdiń tizilimin qurý boıynsha «Elorda Korshiler» qalalyq baǵdarlamasy ázirlendi, dep habarlaıdy Nur-Sultan ákimdiginiń resmı saıty.

Uqsas jańalyqtar
Sapasyz úı salǵandar zań aldynda jaýap berýi kerek - Danıal Ahmetov Qurylys salasynda ımporttalatyn taýarlar otandyq ónimmen almastyrylady Qyzylorda qalasynda halyqty baspanamen qamtý kórsetkishi jaqsardy

Múlik ıeleriniń ótinishteri men shaǵymdaryn taldaý qazirgi ýaqytta elordada azamattardyń áleýmettik osal sanatyndaǵy adamdar turatyn 1020-ǵa jýyq turǵyn úı nemese 7-10 jyl buryn qabyldanǵan qyzmet kórsetý tarıfi sharshy metri 50 teńgeden tómen úıler bar ekenin anyqtady.

Kóbinese mundaı úıler shatyrdy, qasbetti, jylý qondyrǵylaryn, ınjenerlik júıelerdi, terezelerdi jóndeýge ınvestıtsııalardy qajet etedi.

«Elorda Korshiler» baǵdarlamasy boıynsha ótinimderdi qabyldaýdy obektide basqarýdyń jańa nysany tirkelgen jaǵdaıda, múliktiń menshik ıelerinen ǵana, sondaı-aq mynadaı tórt kórsetkish boıynsha júrgizý usynylady:

- shatyrdy qalpyna keltirý;

- qasbetterdi qalpyna keltirý;

- ınjenerlik júıelerdi qalpyna keltirý;

- energııa tıimdiligin arttyrý, abattandyrý.

Baǵdarlama qalalyq ákimdikke múlik ıeleriniń ózderinen turǵyn úı qorynyń naqty jáne mańyzdy qajettilikterin bilýge múmkindik beredi. Budan basqa, jalpy úı múlkiniń jaı-kúıi máselelerine azamattar tarapynan jaýapkershilik pen múddelilik artady.
Biryńǵaı tizilim turǵyn úıdi paıdalanýǵa berý jylyna qaramastan, múliktiń barlyq menshik ıeleriniń ótinishteri negizinde qalyptastyrylady.

«Elorda Korshiler» baǵdarlamasy birneshe kezeńmen júzege asyrylady. Olardyń birinshisi-jóndeýdi qajet etetin úıdiń bólikteri kórsetilgen turǵyn úı ıelerinen ótinimderdi qabyldaý jáne jınaý.

Tizilim qalyptasqannan keıin baǵdarlamany iske asyrý sheńberinde jumys toby bekitiledi, ol ólshemsharttardy, jumystardyń boljamdy qunyn jáne materıaldarǵa arnalǵan shyǵyndardy aıqyndaıdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT