+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Asqar Mamın Qazaqstanǵa kelgen Vengrııa ókilderin qabyldady

2021 jylǵy 25 qazan 15:33
Bólisińiz:
Asqar Mamın Qazaqstanǵa kelgen Vengrııa ókilderin qabyldady

NUR-SULTAN. QazAqparat - QR Premer-Mınıstri Asqar Mamın elimizge qazaqstandyq bıznes-forým men Qazaqstan – Vengrııa strategııalyq keńesiniń V otyrysyna qatysýǵa kelgen Vengrııa Premer-Mınıstriniń orynbasary – qarjy mınıstri Mıhaı Vargany qabyldady. Bul týraly QazAqparat Úkimettiń saıtyna silteme jasap habarlaıdy.

Taraptar saýda-ekonomıka, qarjy-bank, ınvestıtsııa, kólik-logıstıka, aýyl sharýashylyǵy, AÓK, TMK, jańartylatyn energetıka, farmatsevtıka, bilim berý jáne basqa da salalardaǵy yntymaqtastyqtyń jaı-kúıi men damý perspektıvalaryn talqylady.

Úkimet basshysy eki eldiń ulttyq ekonomıkalaryn qalpyna keltirýdiń joǵary qarqyny jaǵdaıynda Qazaqstannyń Vengrııamen saýda-ekonomıkalyq qatynastary men ınvestıtsııalyq yntymaqtastyǵynyń damý áleýetin atap ótti.

Qazaqstan-Vengrııa bıznes-forýmy aıasynda medıtsınalyq týrızm, agroónerkásiptik keshen, jańartylatyn energetıka, kólik jáne logıstıka, qarjy salalarynda birlesken jobalardy iske asyrý boıynsha ýaǵdalastyqtarǵa qol jetkizildi.

Kelissóz barysynda «Astana» halyqaralyq qarjy ortalyǵy alańyndaǵy yntymaqtastyq máselelerine erekshe nazar aýdaryldy. Qazirgi ýaqytta AHQO-da Vengrııanyń «EXIM» bankiniń ókildigi jumys isteıdi, Vengrııanyń basqa da qarjy-bank qurylymdarymen ózara is-qımyldy keńeıtý josparda bar.

Vengrııa ekonomıkasy – Ortalyq jáne Shyǵys Eýropa aımaǵyndaǵy eń damyǵan ekonomıkalardyń biri. 2020 jyly eldiń JІÓ $155 mlrd qurady. Eýropalyq komıssııa boljamy boıynsha, 2020 jyly 5%-ǵa qulaǵannan keıin, 2021 jyly ekonomıka ósimi 6,3% quraıdy.

Vengrııa ekonomıkasynyń jetekshi salalary – mashına jasaý, AÓK, metallýrgııa, qurylys materıaldaryn óndirý, farmatsevtıka, azyq-túlik óndirisi, kólik jáne logıstıka, jeńil jáne hımııa ónerkásibi.

Bıyl maýsym aıynda Vengrııa Qazaqstanmen vaktsınalaý pasporttaryn ózara taný týraly kelisim jasasqan alǵashqy eýropalyq el boldy. Osy jylǵy qyrkúıek aıynda Nur-Sultan jáne Býdapesht qalalary arasynda turaqty tikeleı áýe qatynasy jańartyldy. Almaty qalasy men Vengrııa astanasy arasynda tikeleı reıster ashý múmkindigi qarastyrylyp jatyr.

Kezdesýge ulttyq ekonomıka mınıstri Áset Erǵalıev, qarjy mınıstri Erulan Jamaýbaev, ındýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev, saýda jáne ıntegratsııa vıtse-mınıstri Qaırat Tórebaev jáne Qazaqstannyń Vengrııadaǵy elshisi Jánibek Ábdirashov qatysty.



Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT