+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Asqar Mamın baǵany turaqtandyrý boıynsha ákimdikterge tapsyrma berdi

2021 jylǵy 16 qazan 12:29
Bólisińiz:
Asqar Mamın baǵany turaqtandyrý boıynsha ákimdikterge tapsyrma berdi

NUR-SULTAN. QazAqparat - QR Premer-Mınıstri Asqar Mamın Úkimettiń Tsıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵasyn retteý máseleleri boıynsha keńes ótkizdi. Bul týrraly QazAqparat Úkimettiń saıtyna silteme jasap habarlaıdy.

Uqsas jańalyqtar
Almatyda azyq-túlik baǵasyn turaqtandyrý qalaı júrip jatyr Asqar Mamın Mańǵystaý oblysynyń áleýmettik-ekonomıkalyq damýymen tanysty

Qazirgi jaǵdaı men júrgizilip jatqan jumys týraly saýda jáne ıntegratsııa mınıstri Baqyt Sultanov, aýyl sharýashylyǵy mınıstri Erbol Qarashókeev, básekelestikti qorǵaý jáne damytý agenttiginiń tóraǵasy Serik Jumanǵarın, Atyraý oblysynyń ákimi Mahambet Dosmuhambetov, Mańǵystaý oblysynyń ákimi Nurlan Noǵaev, Batys Qazaqstan oblysynyń ákimi Ǵalı Esqalıev jáne t. b. baıandady. Ótken aptada áleýmettik mańyzy bar azyq-túlik taýarlary baǵasynyń ósýi 0,2% qurady. Buǵan qyryqqabat baǵasynyń 3,5%-ǵa jáne jumyrtqanyń 1,6%-ǵa qymbattaýy áser etti.

Qyryqqabat baǵasynyń eń kóp ósýi Almaty qalasynda (19,3%), Aqtóbe (7,4%) jáne Túrkistan (6,7%) oblystarynda tirkeldi. Atyraý oblysynda jumyrtqa baǵasynyń edáýir ósýi oryn aldy (27%). «Aınalym shemasy» sheńberinde óńirlerde 273,6 myń tonna áleýmettik mańyzy bar taýar satyp alyndy. Ótken aptada jumyrtqa (+70,6 mln dana), kartop (+17,4 myń tonna), sábiz (+7,2 myń tonna), pııaz (+4,7 myń tonna), qyryqqabat (+4,8 myń tonna) jáne t. b. satyp alý ulǵaıtyldy.

Ótken aptada Básekelestikti qorǵaý jáne damytý agenttigi nan, jumyrtqa jáne un óndirýshilerine baǵanyń múmkin ósýi týraly jarııa málimdegeni úshin 4 eskertý jasady. Nur-Sultan qalasynda, Túrkistan jáne Mańǵystaý oblystarynda 18 taýar pozıtsııasy boıynsha saýda ústemesin kóterýdiń 7 faktisi anyqtaldy. Túrli baǵalardy qoldaný belgisi boıynsha habarlamany oryndamaýyna baılanysty «Taraz qant zaýyty» JShS-ǵa qatysty tergeý taǵaıyndaldy. Búgingi kúni óndirýshilermen jáne iri sýpermarkettermen baǵa men saýda ústemesin tómendetý týraly, onyń ishinde respýblıkalyq iri saýda jelilerimen ÁMAT-qa saýda ústemesin 15%-dan 10%-ǵa deıin tómendetý týraly, sondaı-aq Qazaqstannyń jumyrtqa óndirýshiler qaýymdastyǵyna kiretin Qazaqstannyń 14 qus fabrıkasymen 108 monopolııaǵa qarsy komplaens aktisi jasaldy.

Premer-Mınıstr óńirlerdiń ákimderine áleýmettik mańyzy bar azyq-túlik ónimderiniń baǵasyn ustap turý jumysynyń tıimdiligin, onyń ishinde «aınalym» shemasyn qarjylandyrýdy jáne turaqtandyrý qorlaryna satyp alýdy usynylatyn kólemderge deıin jetkizý, azyq-túlik taýarlarynyń óńiraralyq úzdiksiz aǵynyn uıymdastyrý, sondaı-aq saýda sýbektileriniń saýda ústemelerin asyrý faktileriniń jolyn ýaqtyly kesý arqyly arttyrýdy tapsyrdy.

Úkimet basshysy áleýmettik mańyzy bar azyq-túlik ónimderiniń baǵasyn ustap turý boıynsha júıeli jumys júrgizýdiń jáne jalpy Inflıatsııaǵa qarsy den qoıý sharalarynyń keshenin tıimdi iske asyrýdyń mańyzdylyǵyn atap ótti.



Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT