+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Arystaǵy jarylysqa kináli dep tanylǵan 16 adam sottaldy

2021 jylǵy 26 shilde 19:52
Bólisińiz:
Arystaǵy jarylysqa kináli dep tanylǵan 16 adam sottaldy

NUR-SULTAN. QazAqparat – Arys qalasyndaǵy áskerı qoımada 2019 jyly bolǵan jarylysqa kináli dep tanylǵan 16 adam túrli merzimge bas bostandyǵynan aıyryldy, dep habarlaıdy QazAqparat tilshisi.

Sot úsh adamnyń ómirin qıyp, 30 adamnyń jaraqat alýyna sebepker bolǵan Arystaǵy jarylys boıynsha qaralǵan qylmystyq istiń qorytyndysyn shyǵardy.

Shymkent garnızony áskerı sotynyń baspasóz qyzmeti taratqan málimet boıynsha, prokýrorlar sottalýshylarǵa 4 jyldan 10 jylǵa deıin bas bostandyǵynan aıyrý jazasyn taǵaıyndaýdy jáne azamattyq talaptardy qaraýsyz qaldyrýdy suraǵan.

Al jábirlenýshilerdiń kóbi istiń kúrmeýin sottyń uıǵarymyna qaldyrýǵa nıet bildirgen.

«Aıyptalýshy tarap pen onyń advokattary kúdikti retinde tartylǵan azamattardy aqtap, qylmystyq isti toqtatýdy surady. Qorǵanys mınıstrligi men áskerı bólimniń basshylyq quramy qyzmetke nemquraıdy qaraǵany úshin (Qylmystyq kodekstiń 453-baby 2-bóligi), atap aıtqanda, qyzmettik mindetterdiń oryndalýyn baqylaý jónindegi sharalardy qoldanbaı, oq-dárimen jumys isteý erejesin buzǵany úshin (QK 462-baby 3-bóligi) kináli dep tanyldy», - dep jazady sottyń baspasóz qyzmeti.

Sottalǵandardyń ishinde eń uzaq merzimdi áskerı maqsatqa bólingen qarajatty jymqyrdy dep aıyptalǵan kúdiktelir arqalady. Naqtyraq aıtsaq, aýdandyq paıdalaný bóliminiń basshylyǵy men áskerı bólim komandıri tehnıkalyq kúzet qualdaryn montajdaýǵa bólingen bıýdjet aqshasyn jymqyrǵany úshin 7 jáne 10 jylǵa bas bostandyǵynan aıyryldy. Qosymsha jaza retinde atalǵan tulǵalarǵa memlekettik qyzmet pen kvazımemlekettik sektorda laýazymdy qyzmet atqarýǵa tyıym salyndy.

Sotqa ispen birge usynylǵan azamattyq talaptar qaraýsyz qaldyryldy. Іstiń bul bóliginde jóndeý jumystaryn júrgizgen merdiger uıymdar men menshik ıeleri arasyndaǵy daýdyń bolýyna baılanysty azamattyq sot óndirisine júginý usynyldy.

«Sot úkimi áli zańdy kúshine engen joq. Taraptar onymen kelispegen jaǵdaıda Qylmystyq is júrgizý kodeksiniń 31-baby boıynsha joǵary turǵan sotqa shaǵym berýge quqyly. Qylmystyq is 550 tomnan turdy. Іs boıynsha 1 473 jábirlenýshiden jaýap alyndy. Sotqa qatysýshylardyń kóptigine jáne sot otyrystaryn soǵan saı zalda ótkizý qajettiligine baılanysty is rejımdik obekti – áskerı bólimde qaraldy. Onyń aýmaǵyna azamattardy jiberý nysannyń qolbasshylyǵynyń ruqsatymen ǵana iske asyryldy», - dep jazylǵan resmı málimette.

Shymkent garnızony áskerı sotynyń baspasóz qyzmeti úkimdi jarııalaý kezinde onlaın qatysý múmkindigi usynylmaǵanyn málimdep otyr.

Oǵan áskerı nysannyń janynda qylmystyq atqarý júıesiniń mekemesi turýy sebep bolǵan.

«Atalmysh nysanda uıaly baılanysty tejeıtin qondyrǵy ornatylǵan. Sondyqtan úkim oqý kezinde onlaın qosylýǵa tehnıkalyq múmkindik bolmady», - dep jazady sottyń baspasóz qyzmeti.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT