Antıkordyń jalǵan qyzmetkeri Kaspıı jaǵalaýynan jer telimin talap etken
2022 jylǵy 21 mamyr 17:53

Antıkordyń jalǵan qyzmetkeri Kaspıı jaǵalaýynan jer telimin talap etken

NUR-SULTAN. QazAqparat – Sybaılas jemqorlyqqa qarsy qyzmet ózin Antıkor ókili retinde tanystyryp, Aqtaý qalasy ákimdiginen jer ýchaskesin berýdi talap etken kúdiktini ustady, dep habarlaıdy QazAqparat Agenttikke silteme jasap.

«Aǵymdaǵy jyldyń 19 mamyrynda Sybaılas jemqorlyqqa qarsy qyzmet ózin Antıkor qyzmetkeri retinde tanystyra otyryp, Aqtaý qalasy ákimdiginiń laýazymdy tulǵalarynan kommertsııalyq obektilerdi ornalastyrý úshin onyń atyna jer ýchaskesin resimdeýdi talap etken 1997 jylǵy Nurbol Karımovty áshkereledi. Karımovtyń zańsyz áreketteri der kezinde toqtatyldy», - delingen Agenttik habarlamasynda.

Kúdikti ýaqytsha ustaý ızolıatoryna qamaldy.

Agenttik Karımovtyń buryn da osyndaı qylmystar jasaǵan bolýy múmkin ekendigin aıtady.

Buǵan deıin Qyzylordada antıkorda isteımin dep, jalǵan kýálikpen júrgen turǵyn ustaldy.


Uqsas jańalyqtar

Jańalyqtar

MURAǴAT