+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

«Ańsaǵan sábı»: SQO-ǵa EKU jasatýǵa kvotanyń rekordty sany bólindi

2021 jylǵy 21 sáýir 17:22
Bólisińiz:
«Ańsaǵan sábı»: SQO-ǵa EKU jasatýǵa kvotanyń rekordty sany bólindi

PETROPAVL. QazAqparat – Bıyl Soltústik Qazaqstan oblysyna bedeýlik boıynsha esepte turǵan erli-zaıyptylarǵa «Ańsaǵan sábı» baǵdarlamasy aıasynda 208 kvota bólindi, dep habarlaıdy QazAqparat tilshisi.

SQO kópbeıindi aýrýhananyń perınataldyq ortalyq dırektory Elena Kalıýjnaıanyń aıtýynsha, oblysta bala kótere alatyn, ıaǵnı 18 ben 49 jastaǵy 125 myń áıel bar. Alaıda sábı súıý baqyty bárine birdeı buıyrmaǵan. 978 erli-zaıypty bedeýlik boıynsha ortalyqtyń esebinde tur.

«Ótken jyldary kóp degende 25-28 kvota alatynbyz. Saldarynan uzyn-sonar kezek bolatyn. Bıyl Prezıdenttiń tapsyrmasynan keıin «Ańsaǵan sábı» baǵdarlamasy aıasynda oblysqa 208 kvota bólindi. Bul medıtsınalyq tekseristen ótip, esepke turǵan erli-zaıyptylarǵa beriledi. Oblystyq Densaýlyq saqtaý basqarmasy janynan komıssııa qurylǵan. Solar arqyly reprodýktsııa ortalyǵyna kvota-joldama alady», - deıdi Elena Kalıýjnaıa.

SQO-da komıssııa jyl basynan «Ańsaǵan sábı» baǵdarlamasy boıynsha 65 kvotany berip, erli-zaıyptylar ortalyqtarǵa attandy. Olardyń 25-imen mamandar jumys istep jatyr. Budan basqa taǵy 100-ge jýyq jup medıtsınalyq tekseristen ótip, qajetti analızderin tapsyryp jatyr. Jalpy Qazaqstanda 24 reprodýktsııa ortalyǵy bar. Juptar ózderine unaǵan ortalyqty tańdaı alady.

«Kvotany bizde esepte turǵandardan basqa jańa úılenip, 1-1,5 jyl boıy bala súıe almaı júrgen erli-zaıyptylar da ala alady. Ol úshin kelip ótinish jazýlary qajet. Olar barlyq saraptamany tegin, ózderiniń emhanalarynda jasata alady. Qorytyndysyn alyp bizge keledi, komıssııa ótinishti qarap, kvotany beredi», - deıdi ortalyq dırektory.

Alaıda ekstrakorporaldy uryqtandyrýdy jasatýǵa qarsy medıtsınalyq kórsetilimder de bar eken.

«Koronavırýs anyqtalsa, kez kelgen ınfektsııalyq aýrý, týberkýlez bolsa – ondaı áıeldermen jumys isteýge tyıym salynǵan. Biraq aýrý emdeledi ǵoı, belgili bir ýaqyt ótkennen keıin qaıta ótinish berýge bolady. Júrek aqaýy bolsa, ol adam da EKO-ǵa qatysa almaıdy.

Sondaı-aq kvota alǵan erli-zaıypty osy bir jyldyń ishinde nátıjesin kórmese, kelesi jyly qaıta ótinish berýge quqyǵy bar. Birinshi balasyn týyp, ýaqyt óte kele ekinshisin kótere almaı júrgen áıelder de baǵdarlamaǵa qatysa alady», - deıdi Elena Kalıýjnaıa.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT