+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

«Ańsaǵan sábı»: EKU-ǵa joldama alý úshin ne isteý kerek

2021 jylǵy 19 sáýir 18:00
Bólisińiz:
«Ańsaǵan sábı»: EKU-ǵa joldama alý úshin ne isteý kerek

NUR-SULTAN. QazAqparat - Elordada «Ańsaǵan sábı» baǵdarlamasy aıasynda bıyl bólingen 486 kvotanyń 276-sy boıynsha patsıentter ana bolýǵa daıyndalýda. Bul týraly «Áleýmettik medıtsınalalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmetinen málim boldy, dep habarlaıdy QazAqparat.

«Áleýmettik medıtsınalyq saqtandyrý qory EKU baǵdarlamasyn 2018 jyldan qarjylandyryp keledi, 2018 jyly TMKKK aıasynda 902 tsıkl, 2019 jyly da osy kólemde qarjylandyryldy. Ótken jyly 1105 EKU qyzmeti kórsetildi. Bıyl jasandy uryqtandyrý sharalaryn jasaýǵa bólinetin kvota sany 2020 jylmen salystyrǵanda 7 ese ósti. 2021 jyly Medıtsınalyq saqtandyrý qory aldyn ala 6,2 mlrd teńge somasyna 7000 ekstrakorporaldy uryqtandyrý (EKU) tsıklyn qarjylandyrýdy josparlaǵan bolatyn. Bıyl elordaǵa 486 kvota bólindi», – delingen habarlamada.

DDSU málimetteri boıynsha, reprodýktıvti tehnologııany qoldaný arqyly júrgizilgen sharalar nátıjesinde 45-60 paıyz jaǵdaıda áıelder bala kóteredi. Bizdiń elimizde EKU júrgizý tıimdiligi orta eseppen 15%-dan 42% -ǵa deıin ósti. Bala týý (take baby home) faktisi boıynsha emdeý tıimdiliginiń kórsetkishi 30% deńgeıinde, bul eýropalyq eń jaqsy degen klınıkalardyń kórsetkishine sáıkes keledi.

Qazaqstanda EKU baǵdarlamasyna 2021 jyly bólingen kvota sany 7000-ǵa deıin kóbeıdi. Bul kvota berý kórsetkishterin keńeıtýge, olardy alý kezeginiń azaıýyna múmkindik beredi. Búginde elimizde 11030 áıel bedeýlikpen esepte tur.

«Nur-Sultan qalasynda bedeýlik boıynsha esepte turǵandar sany – 1331. Bizdiń áıel densaýlyǵy bólimshesi Nur-Sultan qalasy boıynsha QRT kórsetý – EKU-ǵa daıyndaý jónindegi úılestirý ortalyǵy bolyp sanalady. Bıylǵa elordaǵa 486 kvota bólindi. Qazirgi ýaqytta 276 kvota berilip, patsıentter daıyndalýda. Osy jyly bastapqy medıtsınalyq-sanıtarlyq kómek kórsetý uıymdary buryn esepke turmaǵan jáne jeke medıtsına ortalyqtaryna qaralǵan bedeýlik kórsetkishteri bar patsıentterdi anyqtap, belsendi jumys júrgizýde» - deıdi Nur-Sultan qalasyndaǵy №2 qalalyq kópbeıindi aýrýhana dırektorynyń ambýlatorııalyq qyzmet jónindegi orynbasary Sáýle Ibraeva.

EKU úshin kimder ótinish bere alady?

Bul emshara terapııalyq jolmen emdeý nátıje bermeıtin bedeýlik dıagnozy qoıylǵan patsıentterge arnalǵan. EKU-ǵa otbasylyq juptar da, jeke adam da qatysa alady. Mindetti túrde úmitkerdiń erikti jazbasha kelisimi bolýy kerek. Sondaı-aq, Qazaqstan azamaty bolýy jáne Densaýlyq saqtaý mınıstrligi belgilegen medıtsınalyq parametrlerge reprodýktıvti jasy (18-den 42 jasqa deıin), qalypty somatıkalyq jáne endokrındik mártebeleri, jetkilikti ovarıaldy rezervi sáıkes kelýi qajet.

Jatyrdyń týa bitken nemese júre bitken aýytqýlary, somatıkalyq jáne psıhıkalyq aýytqýlar, analyq bez isikteri, jedel qabyný jáne kez-kelgen lokalızatsııa onkologııasy bolǵan jaǵdaılarda ǵana mamandar naýqasty ekstrakorporaldy uryqtandyrýdan bas tartýy múmkin.

EKU-ǵa joldama alý úshin ne isteý kerek?

EKU-ǵa joldama alý úshin aldymen tirkelgen jeri boıynsha emhanaǵa barý qajet. Uıym mamandary patsıentti bedeýligi bar dıspanserlik patsıentterdiń elektrondyq tirkelimine qosady jáne birqatar tekserýler taǵaıyndaıdy. 12 aı ishinde bastapqy medıtsınalyq-sanıtarlyq kómek kórsetý uıymy, ıaǵnı emhana beıindi mamannyń qorytyndysy negizinde patsıenttiń qujattaryn joǵary tehnologııalyq medıtsınalyq qyzmetter jónindegi jergilikti komıssııaǵa jiberedi. Oń sheshim qabyldanǵan jaǵdaıda, áıeldi «Emdeýge jatqyzý bıýrosy» portalyna tirkep, emsharaǵa daıyndaı bastaıdy. Patsıent ekstrakorporaldy uryqtandyrý úshin klınıkany óz betinshe tańdaýǵa quqyly.

MÁMS boıynsha EKU protsedýrasynan jylyna bir ret tegin ótýge bolady. MÁMS júıesinde EKU emsharasyn jasar aldynda erli-zaıyptylardy tekserý tizbege sáıkes júzege asyrylady. MÁMS júıesinde EKU – tsıkldiń bazalyq baǵdarlamasy qarastyrylǵan.

Aıta keteıik, QR Prezıdenti Qasym-Jomart Toqaev Joldaýynda 2021 jyldan elimizde «Ańsaǵan sábı» arnaýly baǵdarlamasy iske qosýdy tapsyrdy. Osy oraıda «EKU» baǵdarlamasymen kvotany 7 myńǵa deıin, ıaǵnı, 7 ese kóbeıtý mindetin qoıdy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT