AMANAT partııasynyń hatshysy taǵaıyndaldy
2022 jylǵy 4 mamyr 16:48

AMANAT partııasynyń hatshysy taǵaıyndaldy

NUR-SULTAN. QazAqparat- Eldar Jumaǵazıev «AMANAT» partııasynyń hatshysy bolyp taǵaıyndaldy, dep habarlaıdy QazAqparat partııanyń baspasóz qyzmetine silteme jasap.

Eldar Jumaǵazıev 1973 jyly 12 mamyrda dúnıege kelgen. Atyraý Munaı jáne gaz ınstıtýtynyń túlegi.

2007 jyly Reseı memlekettik qyzmet akademııasyn bitirdi. 1996 jyldan 2002 jylǵa deıin kommertsııalyq kompanııalarda basshylyq laýazymdardy atqardy.

2002-2006 jyldary Atyraý oblysy ishki saıasat departamentiniń bólim basshysy boldy.

2006-2011 jyldary «Atyraý-Aqparat» medıaholdıngin, 2011-2012 jyldary Atyraý oblysynyń ishki saıasat basqarmasyn basqardy.

2014 jyldan bastap «Atameken» Ulttyq Kásipkerler palatasynda túrli qyzmetter atqardy, basqarma tóraǵasynyń keńesshisi, apparat basshysy, basqarma tóraǵasynyń birinshi orynbasary boldy.

2020 jyldyń qarasha aıynan bastap «ADAL» partııasynyń Hatshysy qyzmetin atqardy.


Uqsas jańalyqtar

Jańalyqtar

MURAǴAT