+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almaz Sharman koronavırýstyń «Eta» shtamy týraly aıtty

2021 jylǵy 24 qyrkúıek 14:58
Bólisińiz:
Almaz Sharman koronavırýstyń «Eta» shtamy týraly  aıtty

ALMATY. QazAqparat - Profılaktıkalyq medıtsına akademııasynyń prezıdenti, Amerıka densaýlyq saqtaý qaýymdastyǵynyń múshesi Almaz Sharman Almatydaǵy Óńirlik kommýnıkatsııalar qyzmetiniń brıfınginde koronavırýsqa qarsy vaktsınatsııa men qorǵaný týraly óz pikirimen bólisti, dep habarlaıdy QazAqparat tilshisi.

Uqsas jańalyqtar
Koronavırýs: AQSh-ta vaktsınatsııadan ótpegen áskerı qyzmetshiler jumystan shyǵarylady Italııada kovıd-sertıfıkaty joq turǵyndar jumysqa jiberilmeıdi Qyzylordada pandemııaǵa qarsy is-qımyl máseleleri tarazylandy

Onyń aıtýynsha, koronavırýsqa qarsy ekpe derttiń aýyr túrinen qorǵanýdyń joǵary deńgeıin qamtamasyz etedi jáne qaıǵyly jaǵdaıdyń aldyn alady. Vaktsınalanýdan keıingi ımmýndyq qorǵanys vırýsqa toıtarys beredi. Sondyqtan ekpe alýdyń mańyzy óte zor.

«Mysaly, ótken jyldyń maýsymynda aýyryp, ekpe almaǵandardyń yqtımaldyǵy joǵary. Iá, belgili bir dárejede vaktsınalar jańa nusqalarǵa qarsy tıimdiligin joǵaltady, biraq soǵan qaramastan, 80% jaǵdaıda ımmýndyq qorǵanys saqtalady», - dedi professor.

Sonymen qatar, ol mýtatsııa jıiligin azaıtý úshin sanıtarlyq normalardy saqtaýdy jalǵastyrýǵa shaqyrdy.

Ǵalym koronavırýstyń jańadan tabylǵan «Eta» shtamy týraly da aıtty.

«Onyń álemde paıda bolýy alǵash ret 2020 jyldyń jeltoqsanynda belgili boldy, ınfektsııa Nıgerııa men Ulybrıtanııada, al qazir Qazaqstanda anyqtaldy. Eger buryn koronavırýs aıyna eki ret mýtatsııaǵa ushyrasa, búginde jıiledi. Qazirgi ýaqytta «Eta» basqa tolqyn týdyrýy múmkin degen aqparat joq. Medıtsınalyq qaýymdastyq bul optsııaǵa alańdamaıdy. Koronavırýstyń «delta» nusqasy óte qaýipti», - dedi A. Sharman.

Ǵalym koronavırýsqa qarsy vaktsınalaný derttiń aýyr túrinen jáne ólimnen qorǵaıtynyn aıtty.

«Qazaqstanda vaktsınalar bolǵanymen, ekpemen qamtý áli de tómen. El turǵyndarynyń 60%-dan astamy vaktsınanyń birde-bir dozasyn áli alǵan joq. Mysaly, Amerıka Qurama Shtattarynyń kóp bóliginde, Danııa sııaqty Eýropa elinde, eresek halyqtyń 80%-y vaktsınalanǵan. Vaktsınalar vırýstan qorǵanýdiń eń tıimdi joly. Qazir bizdiń eldegi barlyq vaktsınalar jańa nusqalarǵa qarsy tura alady», - dedi A. Sharman.


Bizdiń kanalymyzǵa jazylyńyz:

Bólisińiz:

Avtor:

Dýman Arǵyngeldi

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT