Almatynyń qaq ortasynda qarý ustaǵan 2 er adam ustaldy
2022 jylǵy 17 qańtar 17:27

Almatynyń qaq ortasynda qarý ustaǵan 2 er adam ustaldy

ALMATY. QazAqparat - Almatynyń ortalyǵynda qarý ustaǵan eki er adam ustaldy, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, tártip saqshylary qarýly 38 jáne 35 jastaǵy er adamdy ustady.

Olardyń qarý-jaraq dúkenderin tonaýǵa qatysqany belgili boldy.

« Kúdiktilerdi Krımınaldyq polıtsııa basqarmasynyń qyzmetkerleri jedel-izdestirý is-sharalary barysynda Raıymbek dańǵyly men Baızaqov kóshesiniń qıylysynda ustady. Olardan qarý-jaraq dúkeninen tártipsizdik kezinde urlanǵan «SM12 steyr mannlicher austria» markaly eki ańshy myltyǵyn tárkiledi. Belgili bolǵandaı, 38 jastaǵy M.esimdi azamat jáne 35 jastaǵy R.esimdi azamat Almaty oblysynan kelgen»,-dep habarlady polıtsııadan.

Qarý men oq-dárilerdi urlaý faktisi boıynsha QR QK-niń 291-baby 3-bóligine sáıkes qylmystyq is tergelýde.

Qarý tárkilendi. Kúdiktiler qamaýǵa alyndy.


Avtor:
Tilshi

Jańalyqtar

MURAǴAT