Almatylyqtardyń 83 paıyzy kólikterdiń avtobýs jolaǵymen júrýine qarsy – saýalnama
2022 jylǵy 21 mamyr 18:46

Almatylyqtardyń 83 paıyzy kólikterdiń avtobýs jolaǵymen júrýine qarsy – saýalnama

ALMATY. QazAqparat - Almatylyqtardyń 83 paıyzy qala ákimdigi júrgizip jatqan saýalnama aıasynda jeke kólikterdiń avtobýs jolymen júrýine qarsy daýys berdi, dep habarlaıdy QazAqparat tilshisi.

«Raıymbek dańǵylynyń boıynda eksperımentaldy ýchaske bar. Qazir birinshi kezeńnen óttik. Búgingi kúni ekinshi kezeńmen jumys istep jatyrmyz. Qala turǵyndarynyń 80 paıyzdan astamy jeńil avtokólikterdiń avtobýs jolaǵymen júrýine qarsy. Jumys jaqyn arada aıaqtalady. Soǵan oraı sheshim qabyldanady», - dedi Almaty qalalyq mobıldilik basqarmasynyń basshysy Ǵanı Myrzahanov brıfıngide.

Qala ákimdiginiń saıtynda arnaıy Bus Lane boıynsha saýalnama júrgizilip jatyr. Qatysýshylardyń 83%-y jeke avtolardyń arnaıy jolaqpen júrýi qoǵamdyq kólik pen tótenshe jaǵdaılar qyzmetiniń qozǵalysyna keri áser etedi dep esepteıdi. Osylaısha, qoǵamdyq kólikterge arnalǵan jolaqpen jeńil avtomobılderdiń júrýine qarsy.

Buǵan deıin qala bıligi júrgizýshilerge Raıymbek dańǵylyndaǵy avtobýs jolaǵymen kólik kóp júretin ýaqyttan tys kezde qozǵalýǵa ruqsat bergen edi.

Avtor:
Tilshi

Jańalyqtar

MURAǴAT