USD 434.84 EUR 498.2
RUB 5.72 CNY 68.47
Jańalyqtar

Almatyda soqqyǵa jyǵylǵan jigittiń týystary oqıǵa kýágerlerin izdep jatyr

2021 jylǵy 7 jeltoqsan 15:31
Bólisińiz:
Almatyda soqqyǵa jyǵylǵan jigittiń týystary oqıǵa kýágerlerin izdep jatyr

ALMATY. QazAqparat - Almatyda belgisiz bireýler jas jigitti aıaýsyz uryp ketken. Onyń týystary kýágerlerdi izdep jatyr, dep habarlaıdy QazAqparat tilshisi.

Soqqyǵa jyǵylǵan jigittiń týystary oqıǵanyń vıdeosyn áleýmettik jelide jarııalady.


«Oqıǵa 5 jeltoqsanda keshki saǵat 21: 00-de Alataý «Almaly» turǵyn úı kesheniniń aýlasynda bolǵan. 43 jastaǵy er adam 27 jastaǵy inimdi urdy. Aldymen olar kólik turaǵynda janjaldasqan, keıin er adam baýyrymdy oıyn alańyna aparyp, aıaýsyz soqqyǵa jyqqan. Ol esinen tanyp qalǵan. Er adam jalǵyz bolmaǵan. Qazir baýyrymnyń jaǵdaıy aýyr. Dárigerler bas súıegi synǵanyn, mı kontýzııasyn rastady. Kýágerler izdeımiz», - delingen habarlamada.
Almaty qalalyq polıtsııa departamentiniń málimetinshe, bul oqıǵa 5 jeltoqsan kúni «Aqbulaq» shaǵyn aýdanynda bolǵan.
«Atalǵan derek QR Qylmystyq kodekstiń 106-baby «Densaýlyqqa qasaqana aýyr zııan keltirý» boıynsha sotqa deıingi tergep-tekserýdiń biryńǵaı tiziliminde tirkelgen. Bul qylmysty ashý, onyń mán-jaıyn anyqtaý jáne kinálini jaýapkershilikke tartý maqsatynda Alataý aýdandyq PB janyndaǵy polıtsııa bóliminde arnaıy jedel tergeý toby quryldy», - dep habarlady polıtsııadan.


Bizdiń kanalymyzǵa jazylyńyz:

#Almaty   #Oqıǵa   #Vıdeo  
Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT