Almatyda qoǵamdyq oryndarda dabyl batyrmalary ornatylady
2021 jylǵy 15 qazan 17:55

Almatyda qoǵamdyq oryndarda dabyl batyrmalary ornatylady

ALMATY. QazAqparat - Almatynyń qoǵamdyq oryndarynda SOS dabyl batyrmalary ornatylady, dep habarlaıdy QazAqparat tilshisi.

Bul týraly Almaty qalalyq polıtsııa departamentiniń bastyǵy Qanat Taımerdenov málimdedi.

«Almatyda adamdar jınalatyn oryndarda SOS batyrmalary ornatylatyn bolady. Qazir konkýrstyq jumystar júrgizilýde. Memlekettik satyp alý jarııalanatyn bolady.

Bul batyrmalar arqyly kez kelgen adam qandaı da bir keleńsiz oqıǵalar týraly habarlaı alatyn bolady. Meniń oıymsha, bul jaqsy nátıje beredi», - dedi Qanat Taımerdenov.

Spıkerdiń sózinshe, birinshi kezeńde 30 batyrma iske qosylatyn bolady.


Jańalyqtar

MURAǴAT