Almatyda Qalqaman stantsııasynyń qurylysy bastaldy
2022 jylǵy 19 mamyr 17:26

Almatyda Qalqaman stantsııasynyń qurylysy bastaldy

ALMATY. QazAqparat - Almaty ákimi Erbolat Dosaev Naýryzbaı aýdany turǵyndarymen kezdesýinde aýdandaǵy kólik ınfraqurylymy týraly aıtyp berdi, dep habarlaıdy QazAqparat tilshisi.

Shahar basshysynyń sózinshe, aýdandaǵy kólik ınfraqurylymynyń negizgi problemalary - marshrýttardyń jetispeýi jáne olardyń turaqty qatynamaýy, jyljymaly quramnyń azdyǵy.

«Metronyń 2 jańa stantsııasyn iske qosý josparlanǵan, sondyqtan osy jyldyń 1 qyrkúıegine deıin qalanyń batys bóligindegi marshrýttyq jelige optımızatsııa júrgizýdi qarastyryp jatyrmyz. Osylaısha, Naýryzbaı aýdanynda 3 jańa marshrýt ashylady, qazirgi 5 marshrýt kúsheıtiledi, bul kólik qyzmetin aıtarlyqtaı jaqsartýǵa múmkindik beredi», - dedi qala ákimi.

Sonymen qatar, ol «Qalqaman» stantsııasynyń qurylysy bastalǵanyn málim etti.

«Qazirgi ýaqytta «Qalqaman» stantsııasynyń qurylysy bastaldy. Ol Abaı dańǵylymen ıAssaýı kóshesinen batysqa qaraı Áshimov kóshesine deıin ornalasqan. Metrony 2025 jylǵa deıin salyp bitirý kózdelip otyr», - dedi Erbolat Dosaev.

Buǵan deıin Almaty ákimi Áýezov aýdanynda ornalasqan «Saryarqa» jáne «Momyshuly» beketteri maýsym aıynda ashylatynyn aıtqan bolatyn.


Uqsas jańalyqtar
Avtor:
Tilshi

Jańalyqtar

MURAǴAT