Almatyda Atakent kórme ortalyǵy órtenip jatyr
2022 jylǵy 18 mamyr 17:15

Almatyda Atakent kórme ortalyǵy órtenip jatyr

ALMATY. QazAqparat - Almatyda «Atakent» kórme pavılony órtenip jatyr, dep habarlaıdy QazAqparat tilshisi.

Órttiń vıdeosy áleýmettik jelide tarap jatyr .

Almaty qalalyq Tótenshe jaǵdaılar departamentiniń málimetinshe, órt sóndirý brıgadasy Bostandyq aýdany, Tımırıazev kóshesi 42 mekenjaıy boıynsha shaqyrtýǵa shyqty.

«Alǵashqy órt sóndirý bólimshesi kelgen kezde №9 pavılon ashyq jalynmen janyp jatty. Ózge ǵımarattarǵa taralý qaýpi joq», - dep habarlady qalalyq Tótenshe jaǵdaılar departamentiniń baspasóz qyzmeti.


Sońǵy málimetterge qaraǵanda, oqıǵa ornynda jedel shtab jumys istep jatyr. Órt sóndirýdiń eki ýchaskesi quryldy, órt oqpandary iske qosyldy, avtotsısternalar batys jáne shyǵys jaǵynan gıdranttarǵa ornatyldy. Aldyn ala aqparat boıynsha pavılon bos tur.

Qaza bolǵandar men zardap shekkender joq. Oqıǵa ornynda 17 birlik tehnıka 50 adam jumys istep jatyr.




Uqsas jańalyqtar
Avtor:
Tilshi

Jańalyqtar

MURAǴAT