Almatyda 5 jyl buryn izdeý jarııalanǵan kúdikti ShQO-da ustaldy
2022 jylǵy 18 mamyr 06:16

Almatyda 5 jyl buryn izdeý jarııalanǵan kúdikti ShQO-da ustaldy

ÓSKEMEN. QazAqparat – Almaty qalasynda 5 jyl buryn izdeýge jarııalanǵan qylmysker Shyǵys Qazaqstan oblysynda ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 2017 jyldyń qyrkúıek aıynda Almatyda skýter urlaǵan er adam osy ýaqytqa deıin jazadan jaltaryp júrgen.

Sot sheshimimen izdestirilip jatqan ol Shyǵys Qazaqstan oblysynyń Aıagóz qalasynan tabyldy. 30 jastaǵy azamat ýaqytsha ustaý ızolıatoryna qamaldy.

«Budan bólek, polıtseıler Óskemen qalalyq sotynan jasyrynyp júrgen 34 jastaǵy er adamdy qolǵa túsirdi. Belgili bolǵandaı, ol 2019 jylǵy qańtar aıynyń ortasynda kólik tonaǵan. Shahar turǵynyna qatysty QR QK-niń 188-baby 2-bóligimen is qozǵaldy. Alaıda qylmysker 3 jyl boıy jasyrynyp keldi», - dep habarlady vedomstvo ókilderi.

Esterińizge sala ketsek, osyǵan deıin Óskemende teris dinı aǵymnyń kitaptaryn taratqan er adam ustalǵanyn habarlaǵan edik.


Uqsas jańalyqtar

Jańalyqtar

MURAǴAT