«Almaty jastary»  baǵdarlamasy aıasynda baspana alýǵa 18 mlrd teńge beriledi

ALMATY. QazAqparat — Bıyl «Almaty jastary» baǵdarlamasy aıasynda 1000 páter qoldanysqa beriledi. Buǵan 18 mlrd teńge qarastyrylady, dep habarlaıdy QazAqparat tilshisi.

Uqsas jańalyqtar

Túrkistandaǵy kóptegen turǵyn úıler qyzyl syzyq pen jasyl aımaqqa salynǵan

Bıyl aýyldarda 4 mln sharshy metr turǵyn úı salynady – Beıbit Atamqulov Bıyl aýylda turǵyn úı salýdyń jańa tetigi engiziledi Balqashta kópbalaly otbasylar úshin ekoúıler salynady

Buǵan deıin Baqytjan Saǵyntaev «Almaty jastary» baǵdarlamasy aıasynda nesıelendirý kólemi 18 mlrd teńgege deıin artatynyn aıtqan bolatyn. Óńirlik kommýnıkatsııa qyzmetiniń brıfınginde Almaty Turǵyn úı saıasaty basqarmasy basshysynyń orynbasary Ermek Ámirovke jýrnalıster osy saýaldy qoıdy.

«Úı alady. Bıyl jyl basynda biz saraptama júrgizdik. Baıqaǵanymyz naryqtaǵy úı baǵasy qymbattaǵan. Osyǵan baılanysty «Almaty jastary« baǵlarlamasy aıasynda jeńildetilgen nesıe 18 mln teńgege deıin artatyny týraly sheshim qabyldady. Baǵdarlamaǵa qatysýshylar baspana alý úshin 18 mln teńgeni tolyqtaı alýǵa múmkindigi bar», -dedi Ermek Ámirov. Orynbasardyń aıtýynsha bıyl 8000-nan astam adam baspanaly bolady. Onyń 1000-y« Almaty jastary» baǵdarlamasymen alyp jatyr.

Esterińizge sala keteıik, eń tómengi paıyzben beriletin «Almaty jastary 3.0» baǵdarlamasy 2020 jyly bastalǵan. Oǵan jasy 35-ke deıingi qala turǵyndary qatysa alady. Ótinish bere alatyn azamattar sanatyna: Almatydaǵy memlekettik qalalyq jáne respýblıkalyq mekemede eńbek etetinder, dárigerler men meıirbıkeler, pedagogtar men tárbıeshiler, ártister, jazýshylar, mádenıet salasynyń mamandary, jattyqtyrýshylar men sportshylar, JOO oqytýshylar men ǵylymı qyzmetkerler, áleýmettik sala mamandary: jýrnalıster men BAQ qyzmetkerleri (memlekettik jáne kommertsııalyq), óndiristik salada eńbek etetinder kiredi.