USD 436.29 EUR 492.83
RUB 5.92 CNY 68.48
Jańalyqtar

Almaty qalalyq soty birneshe adam ólimine kináli turǵynnyń daýly isine qatysty túsinikteme berdi

2021 jylǵy 22 qyrkúıek 03:22
Bólisińiz:
Almaty qalalyq soty birneshe adam ólimine kináli turǵynnyń daýly isine qatysty túsinikteme berdi

ALMATY. QazAqparat – Almaty qalalyq soty 20 qyrkúıekte Aqbulaq shaǵyn aýdanynda bolǵan oqıǵa kezinde qaza tapqan bes adamnyń otbasylary men jaqyndaryna kóńil aıtty, dep habarlaıdy QazAqparat.

Almaty qalalyq soty Facebook -tegi paraqshasynda oqıǵaǵa qatysty baspasóz paraqshasyn taratty. Onda istiń barlyq tustary tolyq kórsetilgen.

2011 jyly «Bank Tsentr Kredıt» Aq men eki JShS arasynda jalpy somasy 102 mln teńge bank zaımyna qatysty 2 kelisimshart jasalǵan. Zaımdy qamtamasyz etý úshin bank jaýapker A.P. Demırchıanmen Almaty qalasyndaǵy jyljymaıtyn múlik kepildigi týraly kelisimshart jasasqan. Ol Almaty qalasyndaǵy jer telimimen adam turmaıtyn úı-jaı (saýyqtyrý ortalyǵy, dárihana dúńgirshegi, kúzet ǵımaraty) jáne jer telimimen jeke úı. Sondaı-aq A.P. Demırchıan men I.I. Dýjnov bankke ekinshi JShS-nyń mindettemeleri boıynsha jazbasha kepildik bergen.

Oqıǵa osydan bastalady. Іstiń barlyq mán-jaıy tolyq keltirilgen baspasóz habarlamasynda mynadaı qorytyndy jasalǵan.

«Azamattyń istiń materıaldaryn taldaý A.P. Demırchıan men I.I. Dýjnovtyń óz quqyǵyn qorǵaýda olarǵa bilikti zańgerler kómek kórsetkenine qaramastan eleýli qate jibergenin kórsetedi», delingen habarlamada. Qalalyq sot olardy bes tarmaq boıynsha atap kórsetken.

1. 2014 jyly 2 jeltoqsanda Almaty qalasy Almaly aýdandyq №2 sotynyń boryshty óndirý somasyna qatysty sheshimine jaýapkerler appelıatsııada, kassatsııalyq tártipte de shaǵymdanbaǵany anyqtaldy. Soǵan qaramastan sot otyrysynda olardyń ókili jaýapkerlerdiń múddesine ókildik etken.

2. Jaýapkerler banktiń jer telimimen adam turmaıtyn úı-jaı túrindegi múlikti ótkizý jónindegi saýda-sattyq nátıjesine shaǵym túsirmegen. A.P. Demırchıan men I.I. Dýjnovtyń múliktiń quny zaıymdy jabýǵa jetkilikti 184 mln teńge turǵanyna qaramastan 96 mln teńge delinip tómendetilgen qunmen bank múlikti ıelendi degen dáleline qaramastan jaýapkerler osy saýda-sattyq nátıjesine shaǵym túsirmegen. Saýda-sattyq nátıjeleri jaýapkerlerdiń múmkindikti paıdalanbaýy saldarynan sot tártibinde zańdylyǵy tekserilmegen.

3. Jaýapkerler 2019 jyly 8 tamyzdaǵy Almaty qalasy Alataý aýdandyq sotynyń sheshimine appelıatsııalyq, kassatsııalyq tártipte shaǵym túsirmegen. Onda jeke sot oryndaýshylarynyń kepildegi jeke úıdi ótkizý jónindegi is-áreketine shaǵymdy qanaǵattandyrýdan bas tartylǵan.

Osy sheshimmen jeke úıdi satý jónindegi aýktsıonnyń nátıjesi zańdy dep tanylǵan. Olardyń shaǵym berýge áreket jasamaýy jaýapkerler sottyń tujyrymymen keliskenin kórsetedi.

4. A.P. Demırchıan men I.I. Dýjnov syrttaı sheshimdi oryndaýdaǵy ózgeris týraly sotqa ótinish berý jónindegi quqyqtaryn paıdalanbaǵan. Sottyń syrttaı sheshimin joıý jaýapkerlerge ony oryndaýdyń ózgergeni týraly ótinish berý múmkindigin beredi. Ol elektrondy aýktsıonnyń nátıjesin joıýǵa yqpal eter edi.

Bul quqyq týraly 2019 jyly 8 tamyzdaǵy Almaty qalasy Alataý aýdandyq sotynyń sheshiminde túsindirilgen, alaıda jaýapkerler óz quqyqtaryn paıdalanbaǵan. Jaýapkerlerdiń osyndaı ótinish berýine atalǵan sot sheshimimen jáne 2019 jyldyń 27 qarashasynda appelıatsııalyq ınstantsııanyń kepil múlikti óndirip alý qaýlysy shyqqansha deıingi 3 aı aralyǵynda ýaqyt bolǵan.

5. A.P. Demırchıan men I.I. Dýjnov 2020 jyly 10 maýsymdaǵy Almaty qalasy Alataý aýdandyq sotynyń sheshimine jáne úıden shyǵaryp jiberý týraly sheshim qabyldanǵanǵa deıingi 2020 jyly 28 qyrkúıektegi Almaty qalalyq sotynyń Azamattyq ister jónindegi sot alqasynyń qaýlysyna kassatsııalyq tártipte shaǵym túsirý quqyǵyn paıdalanbaǵan.


Bizdiń kanalymyzǵa jazylyńyz:

#Almaty   #Sot  
Bólisińiz:

Avtor:

Jánibek Amangeldi

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT