Almaty densaýlyq basqarmasy basshysynyń orynbasary qyzmetinen ketken joq - agenttik
2022 jylǵy 23 mamyr 17:30

Almaty densaýlyq basqarmasy basshysynyń orynbasary qyzmetinen ketken joq - agenttik

ALMATY. QazAqparat- Memlekettik qyzmet isteri departamentindegi Ádep jónindegi keńes Almaty qalalyq Qoǵamdyq densaýlyq saqtaý basqarmasy basshysynyń orynbasary Laýra Myrzaǵalıdi qyzmetinen bosatý týraly sheshim qabyldaǵan edi. Alaıda ol jumysynan áli bosatylǵan joq, dep habarlaıdy QazAqparat tilshisi.

«Qazirgi tańda Laýra Myrzaǵalı densaýlyǵyna baılanysty demalysqa shyqty. Sondyqtan jumystan shyǵarý týraly sheshim ol jumysqa oralǵannan keıin qabyldanady»,- dep habarlady qalalyq ákimdikten.

Aıta keteıik, Memlekettik qyzmet isteri departamentindegi Ádep jónindegi keńes músheleri joǵary laýazymdy tulǵany qyzmetinen bosatý týraly sheshim qabyldap, basqarmaǵa usynys jasaǵan bolatyn.

Densaýlyq saqtaý basqarmasynyń basshysy sheshimdi 10 jumys kúni ishinde (20 mamyrǵa deıin) qabyldaýy kerek bolǵan.

Buǵan deıin áleýmettik jelilerde Almaty qalalyq qoǵamdyq densaýlyq saqtaý basqarmasy basshysynyń orynbasary qyzmetkermen syıaqy týraly sóz talastyrǵan vıdeo paıda bolǵan edi.


Keıin Memlekettik qyzmet isteri agenttiginiń Almaty qalasy boıynsha departamenti dáriger Laýra Myrzaǵalıǵa qatysty tekserý bastalǵanyn málim etti.
Avtor:
Tilshi

Jańalyqtar

MURAǴAT